II स्वागत पावसाचे II - पाऊस-थेम्ब क्रमांक-13 -"आला आला पाऊस आला "

[Atul Kaviraje]

                                     II स्वागत पावसाचे II
                                    ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-13 ), बोल आहेत- "आला  आला  पाऊस  आला "

                                        पाऊस-थेम्ब क्रमांक-13
                                     "आला  आला  पाऊस  आला "
                                    ----------------------------

आला  आला  पाऊस  आला ,
बघा  बघा  हो  आला  आला 
पाऊस  आला , पाऊस  आला.

काळ्या  काळ्या  मेघांमधुनी
शुभ्र  कशा  या  धारा  झरती
अवतीभवती  झुलू  लागल्या , जलधारांच्या  माळा
आला  आला  पाऊस  आला ,
पाऊस  आला , पाऊस  आला.

हसली  झाडे , हसली  पाने
फुले -पाखरे  गाती  गाणे
ओल्या  ओल्या  मातीचाही ,श्वास  सुगंधी  झाला
आला  आला  पाऊस  आला ,
पाऊस  आला , पाऊस  आला.

धरणी  दिसते  प्रसन्न  सारी
पागोळ्यांची  नक्षी  न्यारी
फांदीफांदीवरी  थाटली  थेंबांची  ही  शाळा
आला  आला  पाऊस  आला ,
पाऊस  आला , पाऊस  आला.

आला  आला  पाऊस  आला ,
बघा  बघा  हो  आला  आला 
पाऊस  आला , पाऊस  आला.

                  ==============================
                       गीत  : वंदना  विटणकर
                       संगीत  : मीना  खडीकर
                       स्वर  : योगेश  खडीकर ,रचना  खडीकर ,क्षमा  खळे
                       गीतप्रकार  : बालगीत , ऋतू  बरवा
                 ==============================


                     (साभार आणि सौजन्य-संदर्भ-आठवणीतली-गाणी.कॉम)
                   --------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-23.09.2021-गुरुवार.