गौळणी-राधा-कृष्ण प्रेम-खोड्या व इतर चारोळ्या -चारोळी-पुष्प-5

[Atul Kaviraje]

                        "गौळणी-राधा-कृष्ण प्रेम-खोड्या व इतर चारोळ्या"
                      -----------------------------------------------

मित्र/मैत्रिणींनो,

     आज ऐकुया, "गौळणी-राधा-कृष्ण प्रेम-खोड्या व इतर चारोळ्या" ,या विषया अंतर्गत चारोळी-पुष्प-5.

     कृष्णाची  बासरी  म्हणजे  त्याचा  दुसरा  जीवच . दिवसातून  एकदा  तरी  बासरी  वाजविल्याशिवाय  त्याला  बहुतेक  चैन  पडत  नसावी , असे  एकंदरीत  श्री  कृष्ण  महात्त्म्य  वाचून  लक्षात  येते . तर  कान्हा  बासरी  वाजविण्यात  दंग  आहे . त्याला  साऱ्या  जगाचा  विसर  पडला  आहे . बासरीतून  निघणारी  सुमधुर , कर्ण -मधुर  धून  साऱ्या  गोकुळीला  वेढून  टाकीत  आहे .

     अशातच   राधेच्या  कानावर  ही  गोड , मधु  धून  नाही  पडली  तरच  नवल . नकळत  तिचे  मन  या  सुरांच्या  सुरावटींमध्ये   गुंतू  पाहातंय . पाऊले  आपसूकच , या  सुरांचा  पाठलाग  करताहेत . आणि  स्वतःचे  भान  विसरून  राधा  अंती  तिथे  पोहोचते , जिथून  या  अति - मधुर  सुरावटींचा उगम  आहे .

     डोळे  मिटून , भान  हरपून , पावा  वाजविणाऱ्या  कृष्णाच्या  सान्निध्यात  राधाही  डोळे  मिटून ,भान  हरपून  ही  अति -श्राव्य , दैवी  अशी  पाव्याची  धून  अत्यंत  तन्मयतेने , तल्लीनतेने  ऐकत  आहे . आणि  हीच  ती  वेळ  आहे , जेव्हा  राधा  कृष्णाचे  मनो -मीलन  होत  आहे . आणि  तिला  कारणीभूत  आहे , ही  पाव्याची  सुमधुर  धून ,स्वर . राधा -मोहनास  ही  धून  एकाकार  करीत  आहे . एक-मन  करीत  आहे .

                                        चारोळी-पुष्प-5
                                      ----------------

(५)
"मोहना"ची बासुरी "राधे"स मोहविते
पाव्याची धून "कान्हा"पाशी आणिते
नकळत पावलांना ओढ लावीत,
बासुरीच्या माधुर्यात  दंगून जाते. 


-----संकलन
-----श्री.अतुल एस.परब(अतुल कवीराजे)
-----दिनांक-23.09.2021-गुरुवार.