II स्वागत पावसाचे II-पाऊस-थेम्ब क्रमांक-14-"आला आला वारा"

[Atul Kaviraje]

                                      II स्वागत पावसाचे II
                                    ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-14 ), बोल आहेत-  "आला  आला  वारा"

                                       पाऊस-थेम्ब क्रमांक-14
                                        "आला  आला  वारा"
                                    --------------------------


आला  आला  वारा , संगे  पावसाच्या  धारा
पाठवणी  करा , सया  निघाल्या  सासुरा
सया  निघाल्या  सासुरा.

नव्या  नवतीच  बाई , लकाकत  रूप
माखलं  ग  ऊन , जणू  हळदीचा  लेप
ओठी  हसू , पापणीत  आसवांचा  झरा
आसवांचा  झरा
आला  आला  वारा , संगे  पावसाच्या  धारा
पाठवणी  करा , सया  निघाल्या  सासुरा
सया  निघाल्या  सासुरा.

आजवर  यांना  किती  जपलं  जपलं
काळजाचं  पाणी  किती  शिंपल  शिंपल
चेतवून  प्राण , यांना  दिला  ग  उबारा
यांना  दिला  ग  उबारा
आला  आला  वारा , संगे  पावसाच्या  धारा
पाठवणी  करा , सया  निघाल्या  सासुरा
सया  निघाल्या  सासुरा.

येगळी  माती  आता  ग  येगळी  दुनिया
आभाळाची  माया  बाई  करील  किमया
फुलला   बाई  पावसानं , मुलुख  ग  सारा
मुलुख  ग  सारा
आला  आला  वारा , संगे  पावसाच्या  धारा
पाठवणी  करा , सया  निघाल्या  सासुरा
सया  निघाल्या  सासुरा.

                       =======================
                           गीत  : सुधीर  मोघे
                           संगीत  : पंडित  हृदयनाथ  मंगेशकर
                           स्वर  : अनुराधा  पौडवाल , आशा  भोसले
                           चित्रपट  : हा  खेळ  सावल्यांचा
                           गीतप्रकार  : चित्रगीत , ऋतू  बरवा
                       =======================


                     (साभार आणि सौजन्य-संदर्भ-आठवणीतली-गाणी.कॉम)
                  ---------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-24.09.2021-शुक्रवार.