"फुलांची प्रेरणादायी कविता"-"गुलाब सांगतो"

[Atul Kaviraje]

                                       "फुलांची प्रेरणादायी कविता"
                                     --------------------------                                         
मित्र/मैत्रिणींनो,

     आज ऐकुया एक "फुलांची प्रेरणादायी कविता". या कवितेचे शब्द आहेत- "गुलाब सांगतो"


गुलाब सांगतो-----


गुलाब सांगतो,
येता जाता रडायच नसत,
काट्यात सुद्धा हसायच असत...

रात राणी म्हणते,
अंधाराला घाबरायच नसत,
काळोखात ही फुलायच असत...

सदाफुली सांगते,
रुसून रुसून रहायच नसत,
हसून हसून हसायच असत...

बकुळी म्हणते,
सावळ्या रंगाने हिरमुसायचे नसते,
गुणाच्या गंधाने जिंकायचे असते...

मोगरा म्हणतो,
स्वतःचा बडेजावपणा सांगायचा नसतो,
सद्गुणांचा सुगंध मैलावरून ही येतो...

कमळ म्हणतो,
संकटात चिखलात बुडायच नसत,
संकटांना बुडवून फुलायच असत...


             (साभार आणि सौजन्य-संदर्भ-मराठीपोएम एस एस .ब्लॉगस्पॉट.कॉम)
           ------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-25.09.2021-शनिवार.