II स्वागत पावसाचे II - पाऊस-थेम्ब क्रमांक-16-"आली आली सर ही ओली "

[Atul Kaviraje]

                                     II स्वागत पावसाचे II
                                    ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-16 ), बोल आहेत- "आली  आली  सर  ही  ओली

                                      पाऊस-थेम्ब क्रमांक-16
                                   "आली  आली  सर  ही  ओली "
                                 ------------------------------


आली  आली  सर  ही  ओली , फुलवीत  धुंद  अशी  बरसात
छुम  छुम  पैंजण  पायी ,बांधून  सजले  मी  दिनरात.

मला  प्रीतीची  झाली  बाधा , गोकुळाची  झाले  राधा
नंदनवन  फुलले ,फुलले  माझिया  हृदयात
आली  आली  सर  ही  ओली , फुलवीत  धुंद  अशी  बरसात.

हसते  मजला  यमुनेचे  जल , कदंब  हासतो  गाली  अवखळ
हरीची  मुरली  मधुर  छेडिते , धून  नवी  अधरात   
आली  आली  सर  ही  ओली , फुलवीत  धुंद  अशी  बरसात.

दृष्ट  लागू  नये  सौख्याला , अनुपम  या  सौभाग्याला
मोद  मनीमानसी  दाटे ,मावेना  गगनात
आली  आली  सर  ही  ओली , फुलवीत  धुंद  अशी  बरसात.

आली  आली  सर  ही  ओली , फुलवीत  धुंद  अशी  बरसात
छुम  छुम  पैंजण  पायी ,बांधून  सजले  मी  दिनरात.

                           ====================
                                गीत  : गंगाधर  महाम्बरे
                                संगीत  :श्रीनिवास  खळे
                                स्वर  : आशा  भोसले
                                चित्रपट  : सोबती
                                गीतप्रकार  : चित्रगीत , ऋतू  बरवा
                           =====================


                     (साभार आणि सौजन्य-संदर्भ-आठवणीतली-गाणी.कॉम)
                  ---------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-26.09.2021-रविवार.