"गौळणी-राधा-कृष्ण प्रेम-खोड्या व इतर चारोळ्या" - चारोळी-पुष्प-7

[Atul Kaviraje]

                          "गौळणी-राधा-कृष्ण प्रेम-खोड्या व इतर चारोळ्या"
                        ---------------------------------------------

मित्र/मैत्रिणींनो,

     आज ऐकुया, "गौळणी-राधा-कृष्ण प्रेम-खोड्या व इतर चारोळ्या" ,या विषया अंतर्गत चारोळी-पुष्प-7


     एव्हाना  कृष्णाच्या  खोड्या  साऱ्या  गोकुळभर  साऱ्यांनाच  माहित  झाल्या  होत्या . त्यामुळे  प्रत्येक  घरच्या  गौळणी  या  कटाक्षाने  कान्हावर  लक्ष  ठेवून  होत्या . आणि  या  कारणासाठीच  त्यांनी  आपल्या  घरी  ताजे  ताजे  काढलेले  गाईचे  दूध  आणि  त्यापासून   तयार  होणारे  दही , लोणी,तूप आणि  इतर  दुग्धजन्य   पदार्थ  तर  चक्क  लपवून  ठेवण्यास  सुरु  केले  होते . त्यांना  माहित  होते  की  कृष्णाच्या  जर  का  हे  लक्षात  आले , तर  आपली  खैर  नाही . सारे  गोप  जमवून  आपल्या  घरावर  त्याची  धाड  नक्कीच  पडणार .

     घरचा  गवळी  जेव्हा  गौळणीला  तू  असे  का  केलेस , दुधाचे  भांडे  लपवून  का  ठेवलेस , असे  विचारू  लागला , त्यावेळी  तिने  गवळ्याला   वरीलप्रमाणे  स्पष्टीकरण  दिले . कृष्णाला  दूध  आणि  दुधाचे  पदार्थ  कसे  आणि  किती  प्रिय  आहेत , आणि  त्यासाठी  त्याची  वाटेल  ते  करण्याची  तयारी  असते . आज  सकाळीच  त्याने  मला  आपल्या  गाईचे  दूध  काढताना  पहिले  आहे .

     हे  ऐकून , गवळ्यानेही मुकाट  मान  हलवली , व  कृष्णाचे  प्रताप  ऐकून , आपली  गौळण  करतेय  ते  ठीकच  आहे , अशी  त्याची  खात्री  पटली .  असे  नव्हते  की  त्यांचे  कृष्णावर  प्रेम  नव्हते , पण  त्यांना  शंका  होती , की  जर  कृष्णानेच  दुधाचे  सारे  पदार्थ  संपवले  तर  आजच्या  दिवसाचा  आपला  दुधाचा  रतीब  संपून  जाईल , आणि  आपल्या  घरच्या  साऱ्यांना  दुधाशिवायचं  राहावे  लागेल . म्हणूनच  त्यांची ही सारी  खबरदारी  होती

                                        चारोळी-पुष्प-7
                                      ----------------

(७)
दुधाचे भांडे लपवून ठेविले
गवळी विचारी, का-असे केले ?
"गौळण" कुजबुजली, गवळ्याच्या कानी,
"कृष्णाचे" मजवरी लक्ष गेले.


-----श्री.अतुल एस.परब(अतुल कवीराजे)
-----दिनांक-26.09.2021-रविवार.