II स्वागत पावसाचे II-पाऊस-थेम्ब क्रमांक-17-"आषाढाच्या पहिल्या दिवशी"

[Atul Kaviraje]

                                     II स्वागत पावसाचे II
                                    ---------------------     

मित्र/मैत्रिणींनो,

     पाऊस अजूनही पडतो आहे. पावसाचे दिवस आहेत. ऐकुया तर पावसावरली गाणी आणि कविता. आजच्या कवितेचे ( पाऊस-थेम्ब क्रमांक-17 ), बोल आहेत- "आषाढाच्या  पहिल्या  दिवशी"

                                     पाऊस-थेम्ब क्रमांक-17
                                  "आषाढाच्या  पहिल्या  दिवशी"
                                ------------------------------


आषाढाच्या  पहिल्या  दिवशी , अवचित  दिसशी  मला
म्हणुनिया , विनवीत  मेघा  तुला.

रामगिरीवर   एक   यक्ष  मी
काळ  कंठितो  विरही  कामी
कसा  सांगू  मी  शाप  भोगतो ,व्यथा  जाळते  मला
म्हणुनिया , विनवीत  मेघा  तुला.

स्विकारी  या  कुटजफूलांतें 
एक  प्रार्थना  प्रसन्न -चित्ते
स्वागत  करितो  प्रितिवचने,  प्राणही  हा  पोळला
म्हणुनिया , विनवीत  मेघा  तुला.

तुला  पाहुनी  सुखासीनही
कातर  होती , होती  विरही
कथा  काय  मग  कण्ठमिठीचा , प्रिय  ज्यांचा  तुटला
म्हणुनिया , विनवीत  मेघा  तुला.

तप्तांचा  तू  असशी  आश्रय
इंद्रसचिव  तू , तू  करुणामय
निरोप  माझा  घेऊन  जाई,  अलंकानगरीला
म्हणुनिया , विनवीत  मेघा  तुला.

प्रिया  दूर  मम्  तिला  भेटशील
मनी  वाटते  नाही  न  म्हणशील
विफल  विनवणी  सुजनी ,बरवी  नको  शठी  सफला   
म्हणुनिया , विनवीत  मेघा  तुला.

कुठला  घ्यावा  मार्ग  प्रथम  तो
सांगुनी  नंतर  निरोप  कथितो
दूत  होऊनि  पोचिव  माझ्या,  दु:खी  दयीतेला   
म्हणुनिया , विनवीत  मेघा  तुला.

                     =====================
                          गीत  : डौ .वसंतराव  पटवर्धन
                          संगीत  : पंडित  जितेंद्र  अभिषेकी
                          स्वर  : पंडित  जितेंद्र  अभिषेकी
                          गीतप्रकार  : मेघ  गीत , ऋतू  बरवा
                     ======================


                    (साभार आणि सौजन्य-संदर्भ-आठवणीतली-गाणी.कॉम)
                 ---------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-27.09.2021-सोमवार.