II भक्ती-गीत II-"विसरू नको, श्रीरामा, मला"

[Atul Kaviraje]

                                        II भक्ती-गीत II
                                       ----------------

मित्र/मैत्रिणींनो,

     आज बुधवार. आज ऐकुया एक ईश्वर भक्ती गीत. या गीताचे  बोल आहेत- "विसरू नको, श्रीरामा, मला"

   
                                          भक्ती-गीत
                                 "विसरू नको, श्रीरामा, मला"
                                ---------------------------


विसरू नको, श्रीरामा, मला
मी तुझ्या पाउली जीव वाहिला,
प्रिया !

किती जन्म झाले तुझी प्रेमिका मी
कितीदा नव्याने तुला भेटले मी
तुझी सावली झाले, घेऊनी हिंडले,
सतीचा वसा !

तू सांब भोळा, उमा पार्वती मी
तू कृष्ण काळा, तुझी राधिका मी
युगायुगांचे नाते, आपुले, वेगळे
जुळे श्यामला !

कसे दान आले रित्या ओंजळीत
तुझ्यावीण झाले अभागी, अनाथ
तुझ्या अंकुरासाठी, सोसते, झेलते
उन्हाच्या झळा !

                          ===================
                            गीतकार : सुधीर मोघे
                            संगीतकार : पं. हृदयनाथ मंगेशकर
                            स्वर : लता मंगेशकर
                            चित्रपट :  जानकी (१९६९)
                          ====================


              (साभार आणि सौजन्य-सुपरहिट मराठी भक्ती गीते-भाग-1)
                                      (संदर्भ-यु ट्यूब)
            ------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-29.09.2021-बुधवार.