"पावसाला निरोप"-पाऊस-थेम्ब क्रमांक-21 "कधी तू रिमझिम झरणारी "

[Atul Kaviraje]

                                      "पावसाला निरोप"
                                     -----------------

मित्र/मैत्रिणींनो,

     पाऊस हळूहळू उघडत आहे. आज ऐकुया, वर्षा ऋतूतील (पावसाळा) शेवटची कविता. सर्वाना या पावसाळ्याच्या अनेक शुभेच्छा. आता आपण सारे भेटू पुढील पावसाळ्यात अनेक नवीन कविता आणि गाणी घेऊन. आजच्या अंतिम पाऊस गाण्याचे ( पाऊस-थेम्ब क्रमांक-21 ), बोल आहेत- "कधी  तू  रिमझिम  झरणारी "


                                    पाऊस-थेम्ब क्रमांक-21
                                 "कधी  तू  रिमझिम  झरणारी "
                               ----------------------------


कधी  तू  रिमझिम  झरणारी  बरसात
कधी  तू  चमचम  करणारी  चांदण्यात
कधी  तू  कोसळत्या  धारा , थैमान  वारा
बिजलीची  नक्षी अंबरात
सळसळत्या  लाटा
भिजलेल्या  वाटा
चिंब  पावसाची  ओली  रात
कधी  तू  रिमझिम  झरणारी  बरसात
कधी  तू  चमचम  करणारी  चांदण्यात.

कधी  तू  अंग  अंग  मोहरणारी
आसमंत  दरवळणारी , रातराणी  वेढ्या  जंगलात
कधी  तू  हिरव्या  चाफ्याच्या  पाकळ्यांत
कधी  तू  रिमझिम  झरणारी  बरसात
कधी  तू  चमचम  करणारी  चांदण्यात.

जरी  तू  कळले , तरी  न  कळणारे
दिसले  तरी  ना   दिसणारे ,विरणारे  मृगजळ  एका  क्षणांत
तरी  तू  मिटलेल्या  माझ्या  पापण्यांत
कधी  तू  रिमझिम  झरणारी  बरसात
कधी  तू  चमचम  करणारी  चांदण्यात.

                        ====================
                             गीत  : श्रीरंग  गोडबोले
                             संगीत  : अविनाश -विश्वजित
                             स्वर  : हृषिकेश  रानडे
                             चित्रपट  : मुंबई -पुणे -मुंबई
                             गीतप्रकार  : चित्रगीत , ऋतू  बरवा
                       =====================


                  (साभार आणि सौजन्य-संदर्भ-आठवणीतली-गाणी.कॉम)
                --------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-30.09.2021-गुरुवार.