II राष्ट्रपिता महात्मा गांधी II-कविता

[Atul Kaviraje]

                                    II राष्ट्रपिता महात्मा गांधी II
                                  ---------------------------

मित्र/मैत्रिणींनो,

     आज म्हणजे, ०२.१०.२०२१-शनिवार, रोजी राष्ट्रपिता महात्मा गांधी यांची जयंती आहे. मराठी कवितेच्या माझ्या सर्व कवी/कवयित्री बंधू भगिनींस या दिनाच्या हार्दिक शुभेच्छा. महात्मा गांधी याना सर्व भारतवासी प्रेमाने " बापू " असेही म्हणत असत.ऐकुया तर त्यांच्या जीवनावरील काही कविता.


                                        महात्मा गांधी
                                     (कविता क्रमांक-१)
                                    -------------------           

नमन स्वीकारा आमचे
बापू तुम्ही महात्मा
भारताच्या प्रगतीसाठी
तुमचा अमर आत्मा... {१}

'शांतीदूत' तुम्ही देशाचे
शांततेची केली कामना
सत्य, अहिंसेचा संदेश
जागवली स्वातंत्र्य भावना... {२}

नेसून सुती पंचा
हातात घेतली काठी
अन्याय मिटवण्यासाठी
लागले अहिंसेच्या पाठी... {३}

'खेड्यांकडे चला' हा मूलमंत्र
स्वच्छतेचा दिला संदेश
इंग्रज सत्तेला झुगारून
दिला 'चले जाव'चा आदेश... {४}

मोहनदास 'महात्मा' होऊन
या जगात झाले अमर
देशाच्या अस्तित्वासाठी
लढले स्वातंत्र्य समर... {५}


                         (साभार आणि सौजन्य-संदर्भ-स्टोरी मिरर .कॉम)
                       --------------------------------------------


                                        महात्मा गांधी
                                     (कविता क्रमांक-2)
                                    -------------------     

जीवन जगले देशासाठी
देशच त्यांचा होता प्राण
स्वतंत्र केली भारतमाता,
ते गांधीजी थोर महान.

अहिंसेचे खरे पुजारी
सत्य बोलणे त्यांचा बाणा
राहणी साधी, विचार उच्च,
हीच शिकवण दिली साऱ्यांना.

'चले जाव' हा नारा घुमवून
इंग्रजांना केले भयभीत
स्वदेशीचा आग्रह धरूनि,
सदैव जपले देशाचे हित.

साबरमतीच्या या संताने
शांतीचा अन् मंत्र गायिला
मिळून सारे करू या नित्य,
प्रणाम त्यांच्या कर्तृत्वाला.

प्रणाम करूनि नको थांबू या
शांतीने राहू या आपण
वागण्यात प्रत्यक्ष आणू या,
बापुजींची अमूल्य शिकवण.


                     (साभार आणि सौजन्य-गौरी कुलकर्णी)
                   -----------------------------------

                          (संदर्भ-लोकसत्ता .कॉम)
                        ------------------------


-----संकलन
-----श्री.अतुल एस.परब(अतुल कवीराजे)
-----दिनांक-02.10.2021-शनिवार.