बिबट्या आणि आम्ही

[शिवाजी सांगळे]

बिबट्या आणि आम्ही

"अती तिथे माती" अशी म्हण खरी आहे जगाची
माणसाने घेतली का नीटपणे काळजी निसर्गाची

हक्क हिरावल्याचे दु:ख आम्ही मांडू तरी शकतो
बिचारा बिबट्या का कुणास तक्रार करू शकतो

येऊद्या न आता जरा बिबट्यास आमच्या गावात
आम्ही नाही का केले अतिक्रमण त्यांच्या गावात

ध्वस्त केली विविध कारणांनी आम्ही सर्व जंगले
आमच्यातल्याच प्राण्याने हळूहळू जंगल व्यापले

अजूनही वेळ आहे हस्तक्षेप नको निसर्ग चक्रात
जगू द्या या वन्यजीवांना मुक्तपणे त्यांच्या जगात

©शिवाजी सांगळे 🦋papillon
संपर्क: +९१ ९५४५९७६५८९