IIश्री संतोषी माता प्रसन्नII-संतोषी मातेची आरती-"जय देवी श्री देवी संतोषी माते"

[Atul Kaviraje]

                                   II श्री संतोषी माता प्रसन्न II
                                  --------------------------

मित्र/मैत्रिणींनो,

     आज शुक्रवार. देवीचा वार. आज ऐकुया,संतोषी मातेची आरती.या आरतीचे बोल आहेत- "जय देवी श्री देवी संतोषी माते"


                                     संतोषी मातेची आरती
                                "जय देवी श्री देवी संतोषी माते"
                              ------------------------------


जय देवी श्री देवी संतोषी माते।
वंदन भावे माझे तव पदकमलाते।।धृ।।

श्रीलक्ष्मीदेवी तूं श्रीविष्णूपत्नी।
पावसी भक्तालागी अति सोप्या यत्नी।।
जननी विश्वाची तू जीवन चिच्छक्ती।
शरण तुला मी आलो नुरवी आपत्ती।।१।।

गुरूवारी श्रध्देने उपास तव करिती।
आंबट कोणी काही अन्न न सेवीती।।
गूळ चण्याचा साधा प्रसाद भक्षीती।
मंगल व्हावे म्हणूनी कथा श्रवण करिती।।२।।

जे कोणी नरनारी व्रत तव आचरिती।
अनन्य भावे तुजला स्मरूनी प्रार्थती।।
त्याच्या हाकेला तू धावूनिया येसी ।
संतती वैभव कीर्ती धनदौलत देसी।।३।।

विश्वाधारे माते प्रसन्न तू व्हावे।
भवभय हरूनी आम्हा सदैव रक्षावे।।
मनीची इच्छा व्हावी परिपूर्ण सगळी।
म्हणूनी मिलिंद माधव आरती ओवाळी।।४।।


                    (साभार आणि सौजन्य-संदर्भ-पी डी एफ फाईल.कॉ.इन)
                  --------------------------------------------------

  (संदर्भ -टॉप -23 देवीची  मराठी  गाणी - नवरात्री सॉंग्स मराठी - मराठी देवी सॉंग्स)
                        (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-08.10.2021-शुक्रवार.