"नवरात्रोत्सव"-दिवस तिसरा-"करुया उदो उदो उदो अंबाबाईचा"

[Atul Kaviraje]

                                         "नवरात्रोत्सव"
                                          दिवस तिसरा
                                           रंग राखाडी
                                        --------------

मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -०9 .१० .२०२१ -शनिवार, नवरात्रीचा तिसरा दिवस आहे.  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून
मी माझ्या आजच्या देवी-स्तवनास  सुरुवात करतो. आज नवरात्रीचा तिसरा दिवस आहे.आज ऐकुया, आदिमाया अंबाबाईचे भक्ती-गान. या भक्ती-गीताचे बोल आहेत- "करुया उदो उदो उदो अंबाबाईचा" (आजच्या दिवसाचा रंग राखाडी  आहे.)--


                                आदिमाया अंबाबाई भक्ती गीत
                              "करुया उदो उदो उदो अंबाबाईचा"
                             --------------------------------


करुया उदो उदो उदो अंबाबाईचा
मायेचा वाहे झरा, शहरी कोल्हापूरा
घेऊया लाभ दर्शनाचा, उदो उदो !

सार्‍या जनतेची आई, माता अंबाबाई
हाकेला उभी राही, सारं काही तीच्या ठायी
सत्य डोळ्यांनी पाही, दंड दुष्टांना देई
अनेक रूपे तीही घेई भक्तांच्या पायी
आश्विनी प्रथम दिनी, बसते सिंहासनी
होतो जयघोष माऊलीचा, उदो उदो !
करुया उदो उदो उदो अंबाबाईचा !

तेथुनी जरा दुरी स्वामीची गगनगिरी
अंश तो परमेश्वरी, भक्ती दत्ताची खरी
गुहेत स्थान जरी, बाजुला खोल दरी
रूप ते त्यांचे जणू शिवशंकरापरी
भेटुया त्यांना चला पाहुया ईश्वरी लीला
भरे दरबार भाविकांचा, उदो उदो !
करुया उदो उदो उदो अंबाबाईचा !

डोंगरी माथ्यावर जोतिबांचे मंदिर
जुळती दोन्ही कर पहाल मूर्ती जर
असे हे कोल्हापूर नवरात्रीला फार
करिती देवींचा तो उत्सव घरोघर
सोहळा मनोहर, रम्य तो खरोखर
सुटे मधुगंध चंदनाचा, उदो उदो !
करुया उदो उदो उदो अंबाबाईचा !


                     (साभार आणि सौजन्य-संदर्भ - फेसबुक.कॉम)
                   ------------------------------------------

  (संदर्भ -टॉप -23 देवीची  मराठी  गाणी - नवरात्री सॉंग्स मराठी - मराठी देवी सॉंग्स)
                        (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-09.10.2021-शनिवार.