"नवरात्रोत्सव"- दिवस चौथा-"नवरात्रीला नवरूपे तू"

[Atul Kaviraje]

                                         "नवरात्रोत्सव"
                                          दिवस चौथा
                                           रंग नारंगी
                                        --------------   

मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -१०.१०.२०२१ -रविवार ,नवरात्रीचा चौथा दिवस आहे.  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून
मी माझ्या आजच्या देवी-स्तवनास  सुरुवात करतो. आज नवरात्रीचा चौथा दिवस आहे.आज ऐकुया, जगदंबा मातेचे भक्ती-गान. या भक्ती-गीताचे बोल आहेत- "नवरात्रीला  नवरूपे  तू " (आजच्या दिवसाचा रंग नारंगी आहे.)--


                                      जगदंबा माता भक्ती गीत
                                      "नवरात्रीला  नवरूपे  तू"
                                    -------------------------

सर्व  मंगल  मांगल्ये
शिवे  सर्वार्थ  साधिके
शरण्ये  त्र्यंबके  गौरी
नारायणी  नमोस्तुते ,नमोस्तुते
नवरात्रीला  नवरूपे  तू
नवरात्रीला  नवरूपे  तू
लेउनीया  येसी
अवघ्या  रुपी , परी  माउली
एकच  तू  होसी
जय  अंबे , जगदंबे
जय  अंबे , जगदंबे
नवरात्रीला  नवरूपे  तू .

प्रतिपदेला  घटस्थापना
घटी  वसते  पाही
द्वितीयेस  रेणुका  शोभसी
उदोकार  होई
तृतीयेस  शृंगार  साजरा
मिरविसी  अष्टभुजा
चतुर्थीस  तू  जगन्माऊली
चतुर्थीस  तू  जगन्माऊली
शंभूची  गिरीजा
उपांग  ललिता  पंचमीस  तू
व्रत  भारी  करिती
जय  अंबे , जगदंबे
जय  अंबे , जगदंबे
नवरात्रीला  नवरूपे  तू .

षष्टीला  तुज  कवड्या  अर्पून
गोंधळ  घालिती
सप्तमीस  तू  सप्तशृंगी
गड  चढून  जासी
अष्टमीस  सह्याद्री  पार्वती
उभी  माय  अससी
नवमीला  नवरात्र  पारणे
नवमीला  नवरात्र  पारणे
होम  हवन  करिती
दशमीला  सिंहावर  बसुनी
शिलांगणा  जासी
जय  अंबे , जगदंबे
जय  अंबे , जगदंबे
नवरात्रीला  नवरूपे  तू .

नवरात्रीला  नवरूपे  तू
लेउनीया  येसी
नवरात्रीला  नवरूपे  तू .


  (संदर्भ -टॉप -23 देवीची  मराठी गाणी - नवरात्री सॉंग्स मराठी - मराठी देवी सॉंग्स)
                       (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-10.10.2021-रविवार.