"आंतररराष्ट्रीय बालिका दिन"-जागतिक कन्या दिन कविता

[Atul Kaviraje]

                                   "आंतररराष्ट्रीय बालिका दिन"
                                    जागतिक कन्या दिन कविता
                                  ---------------------------

मित्र/मैत्रिणींनो,

      आज दिनांक ११.१०.२०२१-सोमवार आहे. आजचा दिवस "आंतररराष्ट्रीय बालिका दिन" या नावानेही ओळखला जातो. वाचूया तर कन्या दिवसावर आधारित एक कविता--


                                      जागतिक कन्या दिन...!
                                    -----------------------


गार हवेला सामोरं जाण्यापेक्षा
कधी कधी घरी असलेलं बरं
पोटभर जेवण केल्यावर
थोडी वामकुक्षी घेतलेल बरं

म्हंटल आज तसच करावं
थोडं दुपारचं आडव पडावं
दिवा स्वप्न पाहता पाहता
सुख स्वप्नात थोडं रमावं

झालं पाहता पाहता
डोळा छान लागला
स्वप्नाचा चांगलाच
गोड सूर जमला

छोटी बालिका दारी आली
काका काका येऊ का म्हणाली
तेंव्हा मला स्वप्नात जाग आली
कन्या दिनाची जाण झाली

स्वागत केले तिचे जोशात
संगोपन केले चांगले स्वप्नात
जाग येता डोळे पाणावले
जागतिक कन्या दिनाच्या
शुभेच्छां देताना माझे
ऊर सुखाने भरुन आले...!

जागतिक कन्या दिनाच्या
सर्व कन्या रत्नांना
मनःपूर्वक हार्दीक शुभेच्छा...!

लेखक-कवी - प्रशांत  शिंदे
------------------------ 

                   (साभार आणि सौजन्य-संदर्भ-स्टोरी मिरर.कॉम)
                 -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-11.10.2021-सोमवार.