" नवरात्रौत्सव "-कविता क्रमांक-5

[Atul Kaviraje]

                                         " नवरात्रौत्सव "
                                        कविता क्रमांक-5     
                                     -------------------

मित्र/मैत्रिणींनो,

      दिनांक-०७.१०.२०२१-गुरुवार पासून नवरात्रौत्सव सुरु झाला आहे.  देवीची घटस्थापना झाली आहे. मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. वाचूया देवी स्तुतीपर काही कविता.


रंग नवरात्रीचे----

                                           देवीचे घट
                                         ------------

घटस्थापना घटाची
नवदुर्गा स्थापनाची
नवरात्र उत्सवाची
लगबग प्रारंभाची

शेण सारवण करू
काळी माती अंथरवू
चला नव धान्य पेरू
घट त्यावर सजवू

नवग्रह स्थापनेची
वरूणाच्या कळसाची
तेजोमय या देवीची
आतुरता दर्शनाची

आज शैलपुत्री शक्ती
प्रतीरूप हिच सती
हिच आहे शिवशक्ती
येवू दे फळास भक्ती

माळा झेडूंच्या फुलांची
घाला तिळाच्या फुलांची
तेज अखंड दिपाची
करु आरती देवीची

विडा चढवा देवीला
घालू रांगोळी पाटाला
वंदू देवीच्या तेजाला
आले चैतन्य घराला

----कवयित्री - अनुपमा  तावररोकडे
    -----------------------------

                   (साभार आणि सौजन्य-संदर्भ-स्टोरीमिरर.कॉम)
                  -----------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-11.10.2021-सोमवार.