"नवरात्रोत्सव"-दिवस पाचवा- "दुर्गे दुर्गटभारी तुजविण संसारी"

[Atul Kaviraje]

                                          "नवरात्रोत्सव"
                                           दिवस पाचवा
                                             रंग पांढरा
                                         ---------------
                                             
                             
मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -११ .१०.२०२१ -सोमवार , नवरात्रीचा पाचवा दिवस आहे.  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून मी माझ्या आजच्या देवी-स्तवनास  सुरुवात करतो. आज नवरात्रीचा पाचवा दिवस आहे.आज ऐकुया, देवी महिषासुर-मर्दिनीची आरती . या आरतीचे  बोल आहेत- "दुर्गे दुर्गटभारी तुजविण संसारी" (आजच्या दिवसाचा रंग  पांढरा आहे.)--


                                  देवी महिषासुर-मर्दिनी आरती
                                 "दुर्गे दुर्गटभारी तुजविण संसारी"
                               ------------------------------


दुर्गे दुर्गटभारी तुजविण संसारी
अनाथनाथे अंबे करुणा विस्तारी
वारी वारी जन्म मरणांतें वारी
हारी पडलो आता संकट निवारी॥१॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥

त्रिभुवनी भुवनी पाहता तुज ऐसे नाही
चारी श्रमले परंतु न बोलवे काही
साही विवाद करता पडले प्रवाही
ते तू भक्तांलागी पावसि लवलाही॥२॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥

प्रसन्नवदने प्रसन्न होशी निजदासा
क्लेशापासुन सोडी तोडी भवपाशा
अंबे तुजवाचून कोण पुरवील आशा
नरहरि तल्लिन झाला पदपंकजलेशा॥३॥
जय देवी जय देवी जय महिषासुरमथिनी
सुरवर ईश्वरदे तारक संजीवनी, जय देवी जय देवी ॥धृ॥


  (संदर्भ -टॉप -23 देवीची  मराठी  गाणी - नवरात्री सॉंग्स मराठी - मराठी देवी सॉंग्स)
                        (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-11.10.2021-सोमवार.