"नवरात्रोत्सव"-महालक्ष्मी माता आरती -"जय देवी जय देवी जय महालक्ष्मी।"

[Atul Kaviraje]

                                            "नवरात्रोत्सव"
                                             दिवस सातवा
                                               रंग निळा
                                          ---------------

मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -१३ .१०.२०२१ -बुधवार, नवरात्रीचा सातवा दिवस आहे.  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून मी माझ्या आजच्या देवी-स्तवनास  सुरुवात करतो. आज नवरात्रीचा सातवा दिवस आहे.आज ऐकुया, महालक्ष्मी माता आरती . या आरतीचे  बोल आहेत- "जय देवी जय देवी जय महालक्ष्मी।" (आजच्या दिवसाचा रंग निळा आहे.)--


                                    महालक्ष्मी माता आरती
                             "जय देवी जय देवी जय महालक्ष्मी।"
                           ---------------------------------


जय देवी जय देवी जय महालक्ष्मी।
वससी व्यापकरुपे तू स्थूलसूक्ष्मी॥
करवीरपुरवासिनी सुरवरमुनिमाता।
पुरहरवरदायिनी मुरहरप्रियकान्ता।

कमलाकारें जठरी जन्मविला धाता।
सहस्त्रवदनी भूधर न पुरे गुण गातां॥
जय देवी जय देवी...॥

मातुलिंग गदा खेटक रविकिरणीं।
झळके हाटकवाटी पीयुषरसपाणी।
माणिकरसना सुरंगवसना मृगनयनी।
शशिकरवदना राजस मदनाची जननी॥
जय देवी जय देवी...॥

तारा शक्ति अगम्या शिवभजकां गौरी।
सांख्य म्हणती प्रकृती निर्गुण निर्धारी।
गायत्री निजबीजा निगमागम सारी।
प्रगटे पद्मावती निजधर्माचारी॥
जय देवी जय देवी...॥

अमृतभरिते सरिते अघदुरितें वारीं।
मारी दुर्घट असुरां भवदुस्तर तारीं।
वारी मायापटल प्रणमत परिवारी।
हें रुप चिद्रूप दावी निर्धारी॥
जय देवी जय देवी...॥

चतुराननें कुश्चित कर्मांच्या ओळी।
लिहिल्या असतिल माते माझे निजभाळी।
पुसोनि चरणातळी पदसुमने क्षाळी।
मुक्तेश्वर नागर क्षीरसागरबाळी॥
जय देवी जय देवी...॥


  (संदर्भ -टॉप -23 देवीची  मराठी  गाणी - नवरात्री सॉंग्स मराठी - मराठी देवी सॉंग्स)
                      (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-13.10.2021-बुधवार.