"नवरात्रोत्सव"- योगेश्वरी देवीची आरती-"धन्य अंबापूर महिमा विचित्र"

[Atul Kaviraje]

                                           "नवरात्रोत्सव"
                                            दिवस नववा
                                             रंग जांभळा
                                         ---------------
                                         
मित्र/मैत्रिणींनो,

     दिनांक-०७.१०.२०२१-गुरुवार पासून नवरात्रोत्सव सुरु झाला  आहे. आज दिनांक -१५ .१०.२०२१ -शुक्रवार , नवरात्रीचा नववा दिवस आहे. आज  देवी  विसर्जनाचा  दिवस  आहे .  मराठी कवितेतील माझ्या सर्व कवी-कवयित्री भाऊ-बहिणींस, नवरात्रीच्या अनेक हार्दिक शुभेच्छा. देवीस नमन करून मी माझ्या आजच्या देवी-स्तवनास  सुरुवात करतो. आज नवरात्रीचा नववा दिवस आहे.आज ऐकुया, योगेश्वरी देवीची आरती. या आरतीचे  बोल आहेत- "धन्य अंबापूर महिमा विचित्र" (आजच्या दिवसाचा रंग जांभळा आहे.)--

नवरात्रोत्सव : दुर्गा देवीच्या सर्व नऊ स्वरुपांची माहिती, महती व महत्त्व---


                                      योगेश्वरी देवीची आरती
                                  "धन्य अंबापूर महिमा विचित्र"
                               -----------------------------


धन्य अंबापूर महिमा विचित्र।
पार्वती अवतार योगिनी क्षेत्र।।
दंतासुरमर्दोनी केले चरित्र।
सिध्दांचे स्थळ ते महापवित्र।।
जय देवी जय देवी जय योगेश्वरी।
महिमा न काळे तुझा वर्णिता थोरी।।
जय देवी जय देवी...|

पतित पावन सर्व तीर्थ महाद्वारी।
माया मोचन सकळ माया निवारी।।
साधका सिद्धीवाणेच्या तिरी।
तेथील महिमा वर्णू न शके वैखरी।।
जय देवी जय देवी जय योगेश्वरी।
महिमा न काळे तुझा वर्णिता थोरी।।
जय देवी जय देवी...|

सिद्ध लिंग स्थळ परम पावन।
नृसिंह तीर्थ तेथे नृसिंह वंदन।।
मूळ पीठ रेणागिरी नांदे आपण।
संताचे माहेर गोदेवी स्थान !।।
जय देवी जय देवी जय योगेश्वरी।
महिमा न काळे तुझा वर्णिता थोरी।।
जय देवी जय देवी...|

महारुद्र जेथे भैरव अवतार।
कोळ भैरव त्याचा महिमा अपार।।
नागझरी तीर्थ तीर्थाचे सार।
मार्जन करिता दोष होती संहार।।
जय देवी जय देवी जय योगेश्वरी।
महिमा न काळे तुझा वर्णिता थोरी।।
जय देवी जय देवी...|

अनंत रूप शक्ती तुझ योग्य माते।
योगेश्वरी नाम त्रिभुवन विख्याते।।
व्यापक सकळा देही अनंत गुण भरिते।
निळकंठ ओवाळू कैवल्य माते।।
जय देवी जय देवी जय योगेश्वरी।
महिमा न काळे तुझा वर्णिता थोरी।।
जय देवी जय देवी...|

  (संदर्भ -टॉप -23 देवीची  मराठी  गाणी - नवरात्री सॉंग्स मराठी - मराठी देवी सॉंग्स)
                       (साभार आणि सौजन्य-मराठी - गौरव - यु ट्यूब)
-------------------------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-15.10.2021-शुक्रवार.