"कोजागिरी पौर्णिमा"- कविता क्रमांक-2

[Atul Kaviraje]

                                          "कोजागिरी पौर्णिमा"
                                            कविता क्रमांक-2
                                       ---------------------

मित्र/मैत्रिणींनो,

     आज दिनांक-१९.१०.२०२१-मंगळवार आहे. आज "कोजागिरी पौर्णिमा" आहे. मराठी कवितेच्या माझ्या सर्व कवी-कवयित्री, भाऊ-बहिणींना, या कोजागिरी पौर्णिमेच्या अनेक हार्दिक शुभेच्छा. चला तर वाचूया , कोजागिरी पौर्णिमेची कविता.


                                         कविता
                                    कोजागिरी पौर्णिमा
                                  -------------------
                                 
कोजागिरी पौर्णिमा
अश्विन महिन्यातली पोर्णिमा
सणांचा महिमा
कोजागिरी

शरद ॠतूचे
पडती टपोरे चांदणे
सुखाचे मागणे
करतो

आटविती दूध
काजू, बदाम, जायफळ
पोरबाळांची धावपळ
दूधासाठी

आजच्या दिवशी
चंद्र येतो पृथ्वीजवळ
मैत्रीची गंगाजळ
जणू

दमा रोग्याला
चंद्राचा प्रकाश छान
कोजागिरीचा मान
पाळती

ऐक मानवा
मन ठेव शुद्ध
उघडेल प्रारब्ध
चांगले

मिनुचे सांगणे
अंतःकरणात शुद्ध भाव
चंद्रशितलेचा आव
पडलेला

मन प्रसन्न
मन आनंदी होईल
चांदणे पडेल
कोजागिरी

आजच्या दिनाला
म्हणे शरद पोर्णिमा
माडी पोर्णिमा
कुणी

कवयित्री - मीनाक्षी पि नगराळे
--------------------------

                      (साभार आणि सौजन्य-संदर्भ-स्टोरी मिरर.कॉम)
                    -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-19.10.2021-मंगळवार.