"कोजागिरी पौर्णिमा"- कविता क्रमांक-4

[Atul Kaviraje]

                                           "कोजागिरी पौर्णिमा"
                                             कविता क्रमांक-4
                                         --------------------

मित्र/मैत्रिणींनो,

     आज दिनांक-१९.१०.२०२१-मंगळवार आहे. आज "कोजागिरी पौर्णिमा" आहे. मराठी कवितेच्या माझ्या सर्व कवी-कवयित्री, भाऊ-बहिणींना, या कोजागिरी पौर्णिमेच्या अनेक हार्दिक शुभेच्छा. चला तर वाचूया , कोजागिरी पौर्णिमेची कविता.


                                           कविता
                                      कोजागिरी पौर्णिमा
                                    -------------------

केशरयुक्त दुध
चंद्र पौर्णिमेचा सुरेख
नभी पूर्ण गोल दिसतो
पांढरा शुभ्र,धवल छान
शीतल,थंड प्रकाश देतो....

शीतल चंद्राच्या किरणात
न्हाहल्या चांदण्या नभांगणी
प्रतिबिंब चंद्राचे शुभ्र दुधात
पाहिले माझ्या हो अंगणी....

धूंद चांदणे,रातराणी बहरली
चंद्रकलेच्या सुरेख साथीने
काळोखात मंद सुगंध पसरती
मंद धूंद वार्‍याच्या संगतीने.....

केशरयुक्त दुधाची चवदार साथ
ठेवू दुधाला शीतल चंद्रप्रकाशात
म्हणूया देवीचे श्रीसुक्त महान
दुधाची चव चाखू आपल्या कुटुंबात....

कोजागिरी पौर्णिमेला अहो बर का
वरीष्ठ अपत्याचे औक्षण करतात
ॠण मातेचे फेडते या वसुधेवरी
मनी आनंदाचे,हर्षाचे मोर नाचतात.....

करूया जागरण या शीतल छायेत
नृत्य ,गायनाचीही मैफील सजवूया
श्रीलक्ष्मीचे होईल आगमन सदनी
तिच्या स्वागताची तयारी करूया.....

नभीचा चंद्रमा खुलला नील आसमंती
जणू काही वसुधेला पाहून हो हसतो
त्याचा मुखचंद्रमा गोल छान पाहून
या अंतराला मोहवितो अती ,मोहवितो अती.....

कवयित्री - वसुधा  नाईक
----------------------

                    (साभार आणि सौजन्य-संदर्भ-स्टोरी मिरर.कॉम)
                   ------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-19.10.2021-मंगळवार.