"कोजागिरी पौर्णिमा"- कविता क्रमांक-6

[Atul Kaviraje]

                                          "कोजागिरी पौर्णिमा"
                                            कविता क्रमांक-6
                                       ----------------------

मित्र/मैत्रिणींनो,

     आज दिनांक-१९.१०.२०२१-मंगळवार आहे. आज "कोजागिरी पौर्णिमा" आहे. मराठी कवितेच्या माझ्या सर्व कवी-कवयित्री, भाऊ-बहिणींना, या कोजागिरी पौर्णिमेच्या अनेक हार्दिक शुभेच्छा. चला तर वाचूया , कोजागिरी पौर्णिमेची कविता.


                                          कविता
                                         कोजागिरी
                                       -----------

आश्विन मासात पौर्णिमेच्या मध्यरात्री
कोजागिरी पौर्णिमा होते साजरी,
दूध आटवून चांदण्यांच्या प्रकाशात
लुटती दूध पिण्याचा आनंद सारी

कोजागिरी जाणली जाते
नवान्न किंवा शरद पौर्णिमा,
शीतल आणि आल्हाददायक
भासतो जणू नभातला चंद्रमा

लक्ष्मी आणि इंद्रदेव पूजनीय या समयी
लक्ष्मी आल्हाददायक इंद्र शीतलता दायक,
करूया पूजन मनोभावे त्यांचे
अन् पाहूया चंद्रमाचे रूप ते मनमोहक

कोजागिरीच्या मध्यरात्री माता लक्ष्मी
भूतलावर अवतरीत होई,
कोण असे जागा कटाक्षाने पाही,
तयावर संतुष्ट होऊन कॄपाशिर्वाद देई

चला चांदण्यांच्या सोहळ्यात
सामील होऊ मजा लूटूया सारे,
कोजागिरी करू साजरी संगतीने
जपूया आपुलकीचे बंध उडवू आनंदाचे फवारे

कवयित्री - सविता  जाधव
-----------------------

                       (साभार आणि सौजन्य-संदर्भ-स्टोरी मिरर.कॉम)
                     -------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-19.10.2021-मंगळवार.