कोकणच्या चारोळ्या -"चाकरमानी गावी कोकणात जातोय , विमानात बसून उड्डाण करतोय "

[Atul Kaviraje]

                       विषय  : चिपी  येथे  विमानतळ  बांधले
                       वास्तव  मालवण -कोकणच्या  चारोळ्या
      "चाकरमानी  गावी  कोकणात  जातोय , विमानात  बसून  उड्डाण  करतोय "
                                      (भाग-१)
   --------------------------------------------------------------------


(1)
येवा , "कोकण"  आपलाच  आसा
तुम्हीच  "कोकणची"  शान  आसास   
कितीही  पुढे  गेलो  "कोकण"  आमचो ,
"मालवणी"  माणूस  तुमच्या  मनातच  रव्हतलो.

(2)
"कोकणात"  माझ्या  झालीय  क्रांती
विकासाची  पाऊले  पडताहेत  पुढती
"चिपीवरून  उड्डाण"  करतेय  "विमान" ,
हलकेच  "कोकण"  घेतंय   गती .

(3)
होळीला  मी  "विमानाने"  जातोय
गणपतीला  मी  "विमानाने"  जातोय
सुट्टीत  मी  "विमानाने"  जातोय ,
"कोकण"  मी  आता  आकाशातून  पहातोय .

(4)
"कॅलिफोर्निया"  नाही  झाला  तरी  चालेल
"कोकण"  माझा  "कोकणचं"  राहील
"कोकणच्या"  विकासाचा  साक्षीदार  होऊन ,
"कोकणचे"  वैभव  याची  देही , याची  डोळा  पाहीन .

(5)
"चिपीचे  चव्हाण"  आज  खुश  आहेत
झोपेतही  "विमानाचे  उड्डाण"  ऐकताहेत
झोपमोड  झाली  तरी  चालेल , म्हणताहेत ,
स्वप्नात  स्वर्ग -सफरीचे  अनुभव  घेताहेत .


-----श्री.अतुल एस.परब(अतुल कवीराजे)
-----दिनांक-21.10.2021-गुरुवार.