वृद्धत्त्व चारोळ्या-"चहाच्या टपरीवर वृद्धांची संगत, उर्वरित आयुष्याला आलीय रंगत"

[Atul Kaviraje]

                   विषय : चहाच्या  टपरीवरल्या  वृद्धांचे  मनोगत
                           वृद्धांचे  वास्तव  जीवन  चारोळ्या
       "चहाच्या टपरीवर वृद्धांची संगत, उर्वरित आयुष्याला आलीय रंगत"
                                     (भाग-१)
     ------------------------------------------------------------


(1)
"चहाची  टपरी"  उभीय  वाट  पहात
सकाळचे  बरोबर  सात  वाजलेत  घड्याळात
जमतील  आता  सारे ,"साठी -सत्तरीचे"  तरुण ,
त्यांना  पहातच  तिची  सारी  गेलीय  हयात .

(2)
ही  आहे  आमची  फार  जुनी  सोबतीणी   
जपल्यात  तिने  आजवर  अमुच्या  अनेक  आठवणी
सारे  सारे  काही  तिला  आहे  माहीत ,
"चहा -टपरी"  करतेय , "वृद्धानुभवांची"  मनात  साठवणी .

(3)
आज  सोबतीला  कुणीही  नाहीय  आमच्या
रंगच  उडून  गेलाय  साऱ्या  भिंतींचा , आजवरचा
घर  सारे  खायला  उठलंय  , जणू  या  एकलेपणात,
आता  तुझाच  ग  बाई  सहारा , या  आमच्या  "म्हातारपणात" .

(4)
मनात  काहीही  ठेवायचे  नाही , साठवायचे  नाही
सारे  सारे  कसे , नकळत  बोलून  टाकायचे
घोट  घेत -घेत  "चहाचा" ,या  सुरम्य  सकाळी ,
लांबवायचीय  आम्हाला  आमच्या  "आयुष्याची"  संध्याकाळ .

(5)
बस  तेवढाच  उरलाय  आता  "टपरीवरला"  विरंगुळा
"टपरीवर"  जमलाय  "वृद्ध"  मंडळींचा  तरुण  मेळा
एकमेकांची  दुःखे  घ्यायची ,सुखाचे  बोल  वदायचे   ,
एकमेकांस  सहारा  देण्यास  ते  "टपरीवर"  झालेत  गोळा . 


-----श्री.अतुल एस.परब(अतुल कवीराजे)
-----दिनांक-26.10.2021-मंगळवार.