वास्तव विदारक चारोळ्या-"उंच इमारती भिडल्यात गगनासी ,पायपोस नाही मानवाचा जमिनीशी"

[Atul Kaviraje]

         विषय : वन अविघ्न  या अति -उंच ६० मजली  इमारतीला  आग
                           वास्तव  विदारक  चारोळ्या
      "उंच इमारती भिडल्यात गगनासी ,पायपोस नाही मानवाचा जमिनीशी"
                                   (भाग-१)
    --------------------------------------------------------------


(1)
"गगनचुंबी"  "इमारतीचे"  आधुनिक  पीक  फोफावलंय
"उंचीचे"  स्पर्धामय  वातावरण  निर्माण  झालंय
फ्लॅट  संस्कृतीचे  आधुनिकीकरण  होत ,
"माणसाचे"  रहाणीमान  यामुळे  का  उंचावलाय  ?

(2)
"उंच -उंच  इमारती"  आकाशाला  भिडल्यात
विकासाच्या  मुहूर्तमेढी  रोवल्या  गेल्यात
परी ,आज  दर्शन  दुर्लभ  आहे  "मातीचे" ,
या  "उंचीतच"  आमच्या  संस्कृती  हरवून  गेल्यात .

(3)
"उंच  इमारती"  बांधल्यात  खऱ्या
पण  बाकीच्या  कुठाहेत  आणीबाणी  सोयी  ?
आगीचा  गुणधर्म  ती  बरोबर  पाळतेय ,
आपल्या  ज्वाळांना  ती  वरवरचं नेतेय .

(4)
दिलंय  नाव  साजेसे  "इमारतीस"  "अविघ्न"
पण  प्रवेश  करण्यापूर्वीच  आलंय  मोठं  "विघ्न"
सत्यनारायण  पूजेची  आज  आहे  का  गरज  ?
तरच  कार्य  पडेल  पार  सारे  "निर्विघ्न"  !

(5)
बांधायच्या  म्हणून  "इमारती"  बांधताहेत
कंत्राटदारांचे  खिशे  पैश्यानी  बक्कळ  खुळखुळताहेत
लागलेल्या  आगीस  आज  कोण  जबाबदार  ?
चुकतंय  कोठे  गणित , याचा  नंतर  शोध  घेताहेत  !


-----श्री.अतुल एस.परब(अतुल कवीराजे)
-----दिनांक-28.10.2021-गुरुवार.