II श्री गुरु देव दत्त II-श्री दत्त भक्ती गीत-"झुले पाळणा रे बाळा ,अनुसया गाते"

[Atul Kaviraje]

                                        II श्री गुरु देव दत्त II
                                       --------------------

मित्र/मैत्रिणींनो,

     आज गुरुवार. श्री दत्त गुरूंचा वार.  आज ऐकुया, दत्त गुरूंचे एक भक्ती गीत. या भक्ती गीताचे बोल आहेत-  " झुले  पाळणा रे  बाळा ,अनुसया  गाते "


                                      श्री दत्त भक्ती गीत
                            "झुले पाळणा रे बाळा ,अनुसया गाते"
                            --------------------------------

झुले  पाळणा रे  बाळा ,
झुले  पाळणा रे  बाळा , अनुसया  गाते 
ब्रह्मा , विष्णू , महेशाला , आज  जोजविते
ब्रह्मा , विष्णू , महेशाला , आज  जोजविते
झुले  पाळणा  रे  बाळा.

तीन  ऋषी  ब्रह्म   तेज  घेऊन  ठाकले
रुपाआड  त्यांनी  माझे  सत्त्व  परिक्षिले
वस्त्र  नको  तनुवरी ,भोजन  वाढते
झुले  पाळणा रे  बाळा , अनुसया  गाते 
झुले  पाळणा रे  बाळा.

तेज  सतीचे  जागले ,बाळरूप  केले
तीन  ऋषी  ब्रह्मा , विष्णू , महेश  रे  झाले
सान  बाळापुढे  माय माउली  हासते
झुले  पाळणा रे  बाळा , अनुसया  गाते 
झुले  पाळणा रे  बाळा.

एका  पाळण्यात  आता  मूर्ती  तीन  गोड
जणू  वैराग्याला  आता  वात्सल्याची  ओढ
हातावर  जणू  माझ्या  विश्व  आंदोळते
झुले  पाळणा रे  बाळा , अनुसया  गाते 
ब्रह्मा , विष्णू , महेशाला , आज  जोजविते
ब्रह्मा , विष्णू , महेशाला , आज  जोजविते
झुले  पाळणा रे  बाळा.

गायिका : अनुराधा पौडवाल
-------------------------

             (साभार आणि सौजन्य-निघालो घेवून दत्ताची पालखी-मराठी भजन)   
                          (संदर्भ-टी-सिरीज भक्ती सागर -यु ट्यूब)
           ----------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-28.10.2021-गुरुवार.