राजकारणी मार्मिक चारोळ्या- "पहा माझी जीभ घसरली,अप-शब्दांची लाखोली बाहेर पडली"

[Atul Kaviraje]

                विषय:भाषण करताना नेत्यांची घसरलेली जीभ
                    वास्तव  राजकारणी मार्मिक  चारोळ्या
        "पहा माझी जीभ घसरली,अप-शब्दांची लाखोली बाहेर पडली"
                                  (भाग-१)       
     --------------------------------------------------------


(1)
"नेता"  व्यासपीठावर  मस्त  "भाषण"  ठोकतोय
आपले  मायबोलीचे  वक्तृत्त्व  साऱ्यांना  दाखवतोय
अचानक  काय  होतंय  कळत   नाही  त्यालाच  !,
"जीभ  घसरल्याचे"  तो  सर्वांना  सांगतोय  ?

(2)
खरं  तर , "जिभेचा"  यात  काहीच  नसतो  दोष
मनात  असतो  याचा  दुसऱ्यावरच  रोष
सतत  चाललेला  असतो , भाषणापूर्वीचा  तो  घोष ,
म्हणतोय , "जीभच  घसरली"  माझी , तिला  पडलाय  शोष .

(3)
बत्तीस  दातांमध्ये  "जीभ"  केव्हाही  असते  सुरक्षित
पण  म्हणून  का  ती गप्प , उगा  राहील  ?
जरा  जरी  दातांचे  रक्षण , आरक्षण  झाले  बाजूस ,
पहा  कशी  ती  मुकाट , मोकाट  "घसरत"  सुटेल  !

(4)
दिलेल्या  विषयालाच  अनुसरून  बोलायचे  असते
पण  वायफळ  विषयालाच  फाटा  फुटत  जातो
अति  शिक्षण  की  हा  अडाणीपणाचा  प्रकार ?
सुटलेला  बाण , व  बोललेला  शब्द  परतुनी  येत  नसतो .

(5)
चला  दोस्तहो  इतरांवरती  बोलू  काही
मध्येच  बोलू  ताळ -तंत्र  सोडून  काही -बाही
यात  मित्रा  माझी  तर  काहीच  चूक  नाही ,
"जीभ  घसरली"  माझी , त्याला  मी  जबाबदार  नाही .


-----श्री.अतुल एस.परब(अतुल कवीराजे)
-----दिनांक-30.10.2021-शनिवार.