शेती चारोळ्या- "शिवार शेतकऱ्याचे डोलतय आनंदाने ,जलमय करणाऱ्या अभिनव योजनेने"

[Atul Kaviraje]

                           विषय :जलयुक्त  शिवार  योजना
                          वास्तव  शेती-नवं योजना  चारोळ्या
      "शिवार  शेतकऱ्याचे डोलतय आनंदाने ,जलमय करणाऱ्या अभिनव योजनेने"
    ------------------------------------------------------------------


(1)
आता  स्वहस्ते  पीक  उद्ध्वस्त  करण्याचे थांबवूया
पाण्याचा अभाव  यापुढे  नको  सहूया ,डोळ्यांतले  पाणी  रोखूया
आता  नाही  येणार  दुष्काळ  ,शेतीला  आलाय  सुकाळ ,
"अभिनव  जलयुक्त  शिवार"  योजना  आपल्या  शेतात  राबवूया .

(2)
बारमाही  पीक  घेतोय  शेतकरी  आपल्या  शेतात
नांगर  फिरवतोय  उत्साहाने , दिन -रात  आपल्या  "शिवारात"
शेत  पहा  बहरलंय ,पीक  तरारून  डोलतय ,
पाणी  पुरवठा  होतोय  सुकर , "जलयुक्त  शिवार  योजनांत" .

(3)
हे  पावसा , तुझे  नेहमीच  स्वागत  असो  !
पण  मी  आता  तुझी  वाट  नाही  पहाणार
माझ्याकडे  आहे  माझे  स्वतःचे  "जलयुक्त  शिवार" ,
आता  यापुढे  माझे  डोळे  कधीही  नाही  झरणार  !

(4)
नांगर  फिरवीत  होता  तेव्हा  शेतकरी  आपल्याच  पिकांवर     
बुलडोझर  फिरवीत  होता , भुईमुगावर  अन  सोयाबीनवर ,
मदतीस  आलीय  धावून  त्याच्या , "जलयुक्त  शिवार  योजना" ,
रूप  पालटलंय  शेताचं ,त्याचा  द्विगुणित  उत्साह  जरा  पहा  ना  !

(5)
खूप  दिवसांनी  शेतकऱ्याच्या  चेहऱ्यावर  हासू  आहे
त्याच्या  डोळ्यात  समाधानाचा , आनंदाचा  आसू  आहे
हे  पाणीच  त्याचे , त्याच्या  "शिवाराचे"  जीवन  आहे ,
आज  तो  या  "जलयुक्त  शिवार  योजनेचा"  मनापासून  ऋणी  आहे .


-----श्री.अतुल एस.परब(अतुल कवीराजे)
-----दिनांक-02.11.2021-मंगळवार.