II शुभ दिवाळी II-चित्रपट गीत-"आली माझ्या घरी ही दिवाळी"

[Atul Kaviraje]

                                         II शुभ दिवाळी II
                                       -------------------

मित्र/मैत्रिणींनो,

     आज दिनांक-०५.११.२०२१-शुक्रवार आहे. शुभ दिवाळीची सुरुवात झाली आहे.  मराठी कवितेच्या माझ्या सर्व कवी-कवयित्री बंधू-भगिनीस दिवाळीच्या अनेक हार्दिक शुभेच्छा. वाचूया, दिवाळीचे  एक चित्रपट गीत . 


                                 "आली माझ्या घरी ही दिवाळी"
                                ----------------------------


आली माझ्या घरी ही दिवाळी
सप्तरंगात न्हाऊन आली.

मंद चांदणे धुंद श्वास हा, मी तर त्यात भिजावे
जन्म जन्म रे तुझ्या संगती एकरुप मी व्हावे
प्रीत नयनी वसे, लाज गाली हसे
कोर चंद्राची खुलते भाळी
आली माझ्या घरी ही दिवाळी.

पाऊल पडता घरी मुकुंदा, गोकुळ हरपून गेले
उटी लाविता अंगी देवा, सुगंध बरसत आले
हर्ष दाटे उरी, नाथ आले घरी
सूर उधळीत आली भूपाळी
आली माझ्या घरी ही दिवाळी.

नक्षत्रांचा साज लेऊनी, रात्र अंगणी आली
दीप उजळले नयनी माझ्या ही तर दीपावली
संग होता हरी जाहले बावरी
मी अभिसारीका ही निराळी
आली माझ्या घरी ही दिवाळी.

===================
गाणे : आली माझ्या घरी ही दिवाळी
चित्रपट :  अष्टविनायक  (१९७९ )
गायिका : अनुराधा  पौडवाल
संगीतकार : अनिल  – अरुण
गीतकार :  मधुसूदन  कालेलकर
===================

                   (साभार आणि सौजन्य-संदर्भ-मराठीकवितासंग्रह.इन)
                 -----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-05.11.2021-शुक्रवार.