II शुभ दिवाळी II-चित्रपट गीत- "आली दिवाळी आली दिवाळी"

[Atul Kaviraje]

                                       II शुभ दिवाळी II
                                     --------------------
मित्र/मैत्रिणींनो,

     आज दिनांक-०६.११.२०२१-शनिवार आहे. शुभ दिवाळीची सुरुवात झाली आहे.  मराठी कवितेच्या माझ्या सर्व कवी-कवयित्री बंधू-भगिनीस दिवाळीच्या अनेक हार्दिक शुभेच्छा. वाचूया, दिवाळीचे  एक चित्रपट गीत . 


                                  "आली दिवाळी आली दिवाळी"
                                 ----------------------------


आली दिवाळी आली दिवाळी
घर घर उजळित मानवतेचे तेजाच्या पाउली

नक्षत्रांचे बांधून तोरण
मनामनांचे करुनी मीलन
दिव्य ज्योत ही आनंद-हृदयीं
गोविंदे लाविली

रत्‍नकांचनी लावुन ज्योती
मंगलमय सजवून आरती
बहीण लाडकी भाऊराया
ओवाळू लागली

हो‍ऊन बंधू ये रे चंद्रा
दीपांच्या राउळी
भावाविण हा दिन सोन्याचा
आज उदासिन या बहिणीचा
हो‍ऊन बंधू ये रे चंद्रा
दीपांच्या राउळी

===================
गाणे : आली  दिवाळी आली  दिवाळी 
चित्रपट : बायकोचा  भाऊ
गायिका : आशा  भोसले
संगीतकार : वसंत  प्रभू
गीतकार : पी. सावळाराम
====================

                  (साभार आणि सौजन्य-संदर्भ-मराठीकवितासंग्रह.इन)
                 ----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-06.11.2021-शनिवार.