चारोळ्या-"भरल्यात बातम्या आरोप-प्रत्यारोपांनी, वेळ चाललाय वाया वाक-युद्धांनी"

[Atul Kaviraje]

             विषय :आरोप -प्रत्यारोपांनी  भरल्यात  साऱ्या  बातम्या
               राजकारणी  वास्तव  खेद -दायी  मार्मिक  चारोळ्या
     "भरल्यात बातम्या आरोप-प्रत्यारोपांनी, वेळ चाललाय वाया वाक-युद्धांनी" 
   ----------------------------------------------------------------
 

(1)
चल  कर  माझ्यावर  तू  "आरोप"
हा  घे  माझा  उलट  तुला  "प्रत्यारोप"
"आरोप -प्रत्यारोप"  करण्यातच  सारे  जीवन  गेले ,
"आरोप -प्रत्यारोपातच"  पहा  मरण  किती  जवळ  आले  !

(2)
"बातम्या"  साऱ्या  भरल्यात  "आरोप -प्रत्यारोपांनी"
खप  वाढलाय  वृत्तपत्रांचा  मसालेदार  "बातम्यांनी"
टी  व्ही  चॅनेले  झालीत  गब्बर  "आरोप -प्रत्यारोप  बातम्यांनी" ,
व्हयू ,लाईक ,सब्स्क्रिप्शन  वाढलेत  जनतेच्या  प्रतिसादांनी .

(3)
मूळ  मुद्दा  प्रथम  बाजूलाच  राहतो
दुसरी ,तिसरीचं  गोष्ट  चव्हाट्यावर  येते
चौथ्या ,पाचव्या  गोष्टीला  फाटा  फुटत  जाऊन ,
"आरोप -प्रत्यारोप"  पीक  भरघोस  फोफावते .

(4)
राजकारण  आता  राजकारण  नाही  राहिलंय
नेते  एकमेकांवरील  'आरोप -प्रत्यारोपात"  गुंतलेत
तुझं -माझं  करण्यातच  दिवस  वाया  चाललाय ,
वर्षानु -वर्षे  तोच -तोच  मुद्दा  चघळला  जातोय .

(5)
एक  पी .जे .
     एक  नियमावली  काढावी  सरकारने
     जो  कोणी  करेल  "आरोप -प्रत्यारोप"
     त्याने  कंपलसरी  लावावे  नियमित  एक  रोप
     काहीतरी  केल्याचे  त्याला  समाधान  मिळेल  खूप ,
     आणि  रात्री  त्याला  येईल  सुखाने  झोप .


-----श्री.अतुल एस.परब(अतुल कवीराजे)
-----दिनांक-08.11.2021-सोमवार.