चारोळ्या-"कैफियत मांडतोय गोंधळी गोंधळातुनी, आंदोलन(जागर)करी देवीच्या गोंधळातुनी"

[Atul Kaviraje]

            विषय : कोहापूर येथे ,अंबाबाईच्या  मंदिराबाहेर  गोंधळ  आंदोलन
                     वास्तव -देवीमाता  गोंधळ  आंदोलन  चारोळ्या
   "कैफियत मांडतोय गोंधळी गोंधळातुनी, आंदोलन(जागर)करी देवीच्या गोंधळातुनी"
--------------------------------------------------------------------------


(1)
"गोंधळ"  मांडीला  ग  "अंबे" , "गोंधळाला"  ये
कोरोनाचं  कराया  पारिपत्य , तू आता  देवळाबाहेर  ये
"गोंधळी"  तुजला  नमितो  हा , सांगितो  हा , "गोंधळातुनी" ,
"अंबाबाई"  माते , भक्तांच्या  हाकेला ,तू  धावुनिया  ये  !

(2)
होत  चाललीय  कला  आमुची  जपलेली  नामशेष
"गोंधळाने"  या  जागर  होत ,सुधारला  होता  माणूस
जपलीया  परंपरा  वर्षांची  शेकडो , आम्ही  या  "गोंधळातून" ,
घालितो  "गोंधळ" , तुझिया  देवळापुढे  आजच्या दिवसाला  विशेष .

(3)
मागण्या  हक्कांच्या  मिळोत  "अंबे"  तुजला  घालितो  साकडे
पुनरपि  येवोत  ते  दिन ,मागणे  आमचे  एवढंच  तुझ्यापुढे
तू  कृपाळू , तू  कनवाळू , "अंबे"  धावसी  हाकेला ,
पहा  बैसला  हा  "गोंधळी" , हक्काच्या  आंदोलनाला .

(4)
स्थान  तुझे  पावन , आहे  तुझ्या  शक्तीचा  वावर
कला  राहील  जिवंत , तुझा  वरद  राहील  माथ्यावर
"गोंधळ"  घालितो , "गोंधळ"  गातो , हा  "गोंधळी"  संबळ  वाजवीत ,
तुझ्या  कृपेने , तुझीच  सेवा  घडो  ही  दिनरात .

(5)
हे  "गोंधळरूपी"  आंदोलन  "अंबे"  तुजसी ग  अर्पण
तुझे  रूप  आहे  मनी  ग  माझ्या , नकोय  त्यासी  दर्पण
"अंबाबाईचा"  उदो  उदो , "अंबे"  ग  तुझा  उदो  उदो ,
"अंबा"  आईचा  उदो  उदो , "अंबे"  मातेचा  उदो  उदो ,
     उदो  उदो  उदो  उदो .


-----श्री.अतुल एस.परब(अतुल कवीराजे)
-----दिनांक-14.11.2021-रविवार.