कोरोना चारोळ्या-"लशींची ही सुरक्षित कवच-कुंडले,करिती रक्षण जीवनाचे सर्वात पहिले"

[Atul Kaviraje]

                  विषय : मिशन  कवच -कुंडले लशीकरण अभियान
                 वास्तव  कोरोना  निर्मूलन  अभिनव  योजना  चारोळ्या 
        "लशींची ही सुरक्षित कवच-कुंडले,करिती रक्षण जीवनाचे सर्वात पहिले"
      --------------------------------------------------------------


(1)
"कवच -कुंडल  लशीकरण"  अभिनव  अभियानात  होऊया  सामील
लढा  देऊया  कोरोनास  शरीराची  बनवून  अभेद्य  ढाल
लसीकरण  करूया , प्रतिकार -शक्ती  वाढवूया , आयुष्य  वाढवूया ,
"कवच  कुंडलाना  लसीच्या" , आज  सर्वानी  प्रथम  स्थान  देऊया .

(2)
आता  वेळ  आलीय  कोरोना  समूळ  उच्चाटनाची   
ग्रहण  होते  ग्रासले  आजवरी , चाहूल  देत  संकटाची
आज  मुक्त  जीवनाचा  मोकळा  श्वास  घेऊया ,
"लशींची  कवच -कुंडले"  साऱ्यांनीच  आज  परिधान  करूया .

(3)
१००  कोटी  झाले , राहिले  फक्त  ३५  कोटी
"कवच  कुंडले  लशींची"  धावून  आलीत  जीव -रक्षणासाठी
कोरोनाचा  समूळ  नायनाट  एकाच  उपाय  यावरी ,
लस  घेयून , लस  देऊया , "कवच -कुंडले"  नवं -अभियान  राबवूया .

(4)
प्रतिकारशक्ती (IMMUNITY)चा  स्रोत  हा , जीवन -संरक्षक  जणू
गाठण्या  पैलतीर  सुरक्षेचे , हाती  घेतलाय  लसीकरणाचे  सुकाणू
"कवच -कुंडल  लसीचे"  पोलादी , सहज  तारेल , गाठेल  किनारा  स्वस्थ  जीवनाचा ,
परी  घ्यावा  अंदाज  सर्वतोपरी  तितकाच , इथंवरल्या  प्रवासाचा .

(5)
हे  प्राणरक्षक  "कवच -कुंडल  लसीकरणाचं" , याने  दिलयं  जीवन
अमृत -कुंभ  हे  जणू  स्वर्गीचे , देवांचे  दिलेलं  वरदान
हे  थेम्ब  अमृताचे , करूया  आपण  विनाविलंब , विनादिक्कत  प्राशन ,
पुनर्जीवन  मिळाल्याचा  व्यक्त  करून  आनंद , चित्ती  ठेवूया  समाधान .


-----श्री.अतुल एस.परब(अतुल कवीराजे)
-----दिनांक-15.11.2021-सोमवार.