II भक्ती-गीत II-"देव देव्हार्‍यात नाही"

[Atul Kaviraje]

                                          II भक्ती-गीत II
                                         ----------------

मित्र/मैत्रिणींनो,

     आज बुधवार. आज ऐकुया एक ईश्वर भक्ती (चित्रपट) गीत. या गीताचे  बोल आहेत- "देव देव्हार्‍यात नाही"


                                             भक्ती-गीत
                                       "देव देव्हार्‍यात नाही"
                                     ---------------------


देव देव्हार्‍यात नाही, देव नाही देवालयी
देव चोरुन नेईल अशी कोणाची पुण्याई.

देव अंतरात नांदे, देव दाही दिशी कोंदे
देव आभाळी सागरी, देव आहे चराचरी
देव शोधूनिया पाही, देव सर्वाभूतां ठायी.

देव मूर्तीत ना मावे, तीर्थक्षेत्रात ना दावे
देव आपणात आहे, शिर झुकवोनिया पाहे
तुझ्यामाझ्या जड देही देव भरूनिया राही.

देव स्वये जगन्‍नाथ, देव अगाध अनंत
देव सगुण, निर्गूण, देव विश्वाचे कारण
काळ येई, काळ जाई, देव आहे तैसा राही.

=====================
गीत – ग. दि. माडगूळकर
संगीत – सुधीर फडके
स्वर – सुधीर फडके
चित्रपट – झाला महार पंढरीनाथ (१९७०)
=====================


                 (साभार आणि सौजन्य-सुपरहिट मराठी भक्ती गीते-भाग-1)
                                (संदर्भ-मराठीलेख .कॉम /यु ट्यूब)
               ------------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-17.11.2021-बुधवार.