ST/BEST कर्मचारी चारोळ्या- "आंदोलन तीव्र होऊ लागलंय,उपोषणाचे तिला रूप चढलंय ?"

[Atul Kaviraje]

     विषय :ST/BEST कर्मचाऱ्यांचे  आमरण  उपोषण  व  तीव्र  आंदोलन
                 कोरोना विदारक  ST/BEST कर्मचारी  चारोळ्या
           "आंदोलन तीव्र होऊ लागलंय,उपोषणाचे तिला रूप चढलंय ?"
  ----------------------------------------------------------------
             

(1)
"ST/BEST" कर्मचारी  विळख्यात  सापडलाय  कोरोनाच्या
टाळ  लागलंय  लाल -परीला , आशा  मावळल्यात तिच्या  प्रवासाच्या
खिशात  पैसे  नाही ,पगार  नाही ,घर  चालत  नाही ,
घोषणा  देती  ते  तीव्र  आंदोलन  अन  "आमरण  उपोषणाच्या" .

(2)
आज  उपासमारी  त्यांना  सहन  होत  नाहीय
साऱ्या  कुटुंबाची  त्यांच्या  वाताहत  झालीय
सरकारकडे  मागताहेत  "ST/BEST" कर्मचारी  लाचारीने  हक्काचे  अनुदान ,
कोरोनाने  हिरावूनच  घेतलाय  आज  त्यांचा  मान -स्वाभिमान .

(3)
आधीच  पोटात  अन्नाचा  कण  नाही , उपासमार  चाललीय
त्यातच  "ST/BEST" कर्मचारी  बसलेत  "आमरण  उपोषणास"
"आंदोलन"  तीव्र  होत  चाललंय , सरकारने  घ्यावी  दाखल  त्वरित ,
संपतोय  की  काय  लाल -परीचा  इथेच  प्रवास  ?

(4)
उदास  लाल -परी  लांबूनच  त्यांचे  हे  "उपोषण आंदोलन"  पाहतेय
त्यांचे  हे  हाल  पाहून  मनातल्या  मनात  दुखी  होतेय
आज  टाळे  लागलंय  तिला ,तिची  चाके  जमिनीला  खिळून  आहेत ,
आपल्या  डोळ्यांदेखत  ती  आपल्या  लेकरांची  मरणासन्न  अवस्था  पाहतेय .

(5)
असेच  सुरु  राहिले , तर  "ST/BEST" नामशेषच  होईल
बस  नावाचे  वाहन  चक्क  इतिहासात  जमा  होईल
पुढे  निघतील  भविष्यात  प्रवासाची  अनेक  साधने ,
पण  जनांच्या  मनातले  बसचे  स्थान  नेहमीच  कायम  राहील .


-----श्री.अतुल एस.परब(अतुल कवीराजे)
-----दिनांक-21.11.2021-रविवार.