"चूल मांडलीय रस्त्यावरती,थापीतो भाकरी,अनोख्या आंदोलनाची करितो आम्ही जय्यत तयारी"

[Atul Kaviraje]

   विषय : बीड  येथे , ST महिला  वाहक  कर्मचाऱ्यांनी , रस्त्यावर  चूल  मांडून ,भाकरी  थापून अनोखे  आंदोलन  केले .
                वास्तव -ST महिला  कर्मचारी  अनोखे  आंदोलन  चारोळ्या
    ST महिला  वाहक  कर्मचाऱ्यांचे  रस्त्यावर  भाकरी  थापून  सरकारकडे  मागणे , त्यांच्याच   शब्दांत .
   "चूल मांडलीय रस्त्यावरती,थापीतो भाकरी,अनोख्या आंदोलनाची करितो आम्ही जय्यत  तयारी"
--------------------------------------------------------------------------


(1)
"चूल"  पेटलीय ,तवा  तापलाय ,त्यावर  परतून  ही  चवदार  "भाकरी"
महिला  वाहक  आम्ही  ST-च्या  करितो  अनोख्या  आंदोलनाची  तयारी
चव  घ्या ,निसंकोच  खा ,या  बस  तुम्ही  सारे  पाटावरी ,
सोबत  ठेचा ,चटणी ,कांद्याची  आहे  तुमची  आवडीची  शिदोरी .

(2)
आज  आलाय  योग  एकत्र  येण्याचा , सर्वांना  समजून  घेण्याचा
पुरुषांना  द्यायचंय  समर्थन , समय  आलाय  त्यांच्या  खांद्याला  खांदा  देण्याचा
महाराष्ट्राचे  आमचे  हे  एक  कुटुंब , ST कर्मचाऱ्यांचे , ऐका  तुम्ही  किस्सा ,
सक्रिय  सहभाग  घेऊन  आम्ही  होतोय , या  आंदोलनाचा  छोटासा  हिस्सा .

(3)
यापूर्वी  कधीही  यावे  लागले  नव्हते  रस्त्यावर , घरची  "चूल"  सोडून
सरकारचे  नाहीय  लक्ष , कोरडा  पडलाय  घसा , हक्कांसाठी  रडून -ओरडून
या  अनोख्या  आंदोलनातून  मागणे  सरकारकडे  आमचे , दोन्ही  हात  जोडून ,
सोडावा  सरकारने  हट्ट , कराव्यात  मागण्या  मान्य , न  दाखविता  अडून .

(4)
घरासाठीच  सारं  करतोय , पुरुषांचा  अर्धा  भार  आम्ही  पेलतोय
अर्धांगिनी  या  शब्दाचा  खऱ्या  अर्थाने  आम्ही  रोल  अदा  करतोय
घर  एकाने  चालत  नाही  कधी , कुटुंबाची  असते  त्याला  साथ ,
मग  अश्या  या  संकटकाळी , कशी  सोडून  चालेल  आम्हा  पुरुषांची  साथ  ?

(5)
घराचा  सारा  भार  पेलता -पेलता ,आम्हा  रस्त्यावर  उतरावं  लागतंय
पुरुषांबरोबर  प्रथमच  या  आंदोलनात , सहभागी  व्हावं  लागतंय
वाट  पाहतोय  आम्ही , केव्हा  लाल -परी  रस्त्यावरून  उड्डाण  करील  ?
पुन्हा  एकदा  बस -वाहक  रूपे , जन -सेवेची  केव्हा  रुजवात  होईल  ?

(6)
विलीनीकरणाचा  एकचं  मंत्र -घोष , "भाकरी"  थापता  आम्ही  जपतोय
सोबत  हजारो  महिला  कर्मचाऱ्यांचा  एकचं  नाद -आवाज  घुमतोय
इतकी  आंदोलने  करूनही , सरकारला  येत  नाहीय  अजुनी  जाग ,
शेवटी  रस्त्यावरच  मांडून  "चूल" , "भाकरी"  थापणे  आम्हाला  पडतंय  भाग  !


-----श्री.अतुल एस.परब(अतुल कवीराजे)
-----दिनांक-06.12.2021-सोमवार.