लेखणी

[yallappa.kokane]

लेखणी

लेखणीतून सजवलेल्या शब्दाने
बर्‍याच जणांचे आयुष्य घडवले
दोष कसा द्यावा याच लेखणीला
कोर्टात कधी फासावर चढवले

गुंफून शब्दाचा दागिना अनमोल
साहित्यिक जगाला साज चढतो
वर्षानुवर्ष कायम लक्षात राहणारा
याच लेखणीतून इतिहास घडतो

वाटा मनाच्या मोकळ्या होताना
लेखणीतून घडतो जादुई प्रवास
सुखदुःख कागदावर मांडताना
सुखद भासे लेखणीचा सहवास


यल्लप्पा सटवाजी कोकणे