II श्री गुरु देव दत्त II-आरती क्रमांक-१

[Atul Kaviraje]

                                      II श्री गुरु देव दत्त II
                                    ---------------------

मित्र/मैत्रिणींनो,

     आज दिनांक-१८.१२.२०२१-शनिवार आहे. आज माझ्या श्री दत्त गुरूंची जयंती आहे. मराठी कवितेच्या माझ्या सर्व  बंधू -भगिनी  कवी -कवयित्री याना श्री दत्त जयंतीच्या मनापासून शुभेच्छा. या शुभ पर्वावर वाचूया श्री दत्त गुरूंची आरती.

                        दत्ताची आरती---

                                     आरती क्रमांक-१
                                   ------------------

त्रिगुणात्मक त्रैमूर्ती दत्त हा जाणा।
त्रिगुणी अवतार त्रैलोक्य राणा ।
नेती नेती शब्द न ये अनुमाना॥
सुरवर मुनिजन योगी समाधी न ये ध्याना ॥ १ ॥

जय देव जय देव जय श्री गुरुद्त्ता ।
आरती ओवाळिता हरली भवचिंता ॥ धृ ॥

सबाह्य अभ्यंतरी तू एक द्त्त ।
अभाग्यासी कैची कळेल हि मात ॥
पराही परतली तेथे कैचा हेत ।
जन्ममरणाचाही पुरलासे अंत ॥ २ ॥

दत्त येऊनिया ऊभा ठाकला ।
भावे साष्टांगेसी प्रणिपात केला ॥
प्रसन्न होऊनि आशीर्वाद दिधला ।
जन्ममरणाचा फेरा चुकवीला ॥ ३ ॥

दत्त दत्त ऐसें लागले ध्यान ।
हरपले मन झाले उन्मन ॥
मी तू पणाची झाली बोळवण ।
एका जनार्दनी श्रीदत्तध्यान ॥ ४ ॥


                 (साभार आणि सौजन्य-संदर्भ-mr.विकिसोअर्स.ऑर्ग/विकी)
               ----------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.12.2021-शनिवार.