II श्री गुरु देव दत्त II-आरती क्रमांक-2

[Atul Kaviraje]

                                      II श्री गुरु देव दत्त II
                                     ---------------------

मित्र/मैत्रिणींनो,

     आज दिनांक-१८.१२.२०२१-शनिवार आहे. आज माझ्या श्री दत्त गुरूंची जयंती आहे. मराठी कवितेच्या माझ्या सर्व  बंधू -भगिनी  कवी -कवयित्री याना श्री दत्त जयंतीच्या मनापासून शुभेच्छा. या शुभ पर्वावर वाचूया श्री दत्त गुरूंची आरती.


                                    आरती क्रमांक-2
                                   ----------------

              दत्ताची आरती-आरती ओवाळूं अनसूया । तनय दत्तात्रेया---

आरती ओवाळूं अनसूया । तनय दत्तात्रेया ॥धृ.॥
सर्वांतरिंचे जें निजगुजसाक्षि भूतचि तेज ।
संसार वृक्षांचे आदि बीज ।
तो हा सद्‌गुरुराज ।
विरज ब्रह्मजया म्हणती तया ॥ श्रीगुरु दत्तात्रेया ॥१॥

सात्त्विक ह्रदय हे आरती ।
निज कर्माच्या वाती ।
विवेक स्नेहानें त्या निगुती ।
भिजवुनि ज्ञानज्योति पाजळुनि पेटविल्या ।
ओवाळल्या श्रीगुरु दत्तात्रेया ॥२॥

आरती उजळीता ह्या चित्ता ।
मध्यें तिळभर ध्वांता ।
वावहि नच मिळतां दृश्यता ।
आलि निमेषण जातां ।
सोहं प्रकाश हा हो सखया । श्रीगुरु दत्तात्रेया ॥३॥

प्रकाश आरतीचा हा थोर ।
सबाह्य अभ्यंतर ।
मी-तूं-पण हाचि अंधकार ।
जाळुनि झळके फार ।
वेगळा वासुदेव तेथुनियां ।
नोहे दत्तात्रेया ॥४॥ आरती ओवाळूं०॥


                 (साभार आणि सौजन्य-संदर्भ -मराठी.वेबदुनिया.कॉम)
                ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.12.2021-शनिवार.