II श्री गुरु देव दत्त II-आरती क्रमांक-3

[Atul Kaviraje]

                                     II श्री गुरु देव दत्त II
                                    ---------------------

मित्र/मैत्रिणींनो,

     आज दिनांक-१८.१२.२०२१-शनिवार आहे. आज माझ्या श्री दत्त गुरूंची जयंती आहे. मराठी कवितेच्या माझ्या सर्व  बंधू -भगिनी  कवी -कवयित्री याना श्री दत्त जयंतीच्या मनापासून शुभेच्छा. या शुभ पर्वावर वाचूया श्री दत्त गुरूंची आरती.


                                   आरती क्रमांक-3
                                  ----------------

                  दत्त आरती - जयदेवी, जयदेवी, जय देववंदे---

जयदेवी, जयदेवी, जय देववंदे ।
श्रीवेदवंदे श्रीअनसूये, माये, जय मंगळ वरदे ॥धृ.॥

जयजय श्रीचतुराननदेवात्मज कांते ।
जयजय कर्दमदुहिते, दत्तात्रय माते ।
येती तडि तापडि यति भवदाश्रमातें ।
पावति मुनिजन-खगमृगगण-विश्रामातें ॥जय.॥१॥

नाना गुल्मलताद्रुम-अमृतरसवल्ल्या ।
आनंदघन पदवैभव श्रीहरि कैवल्या ।
सुपुत्रवंत्या भार्गवि, देवकि, कौसल्या ।
वानिति अनसूये तव बहुविध कौशल्या ॥जय.॥२॥

देउनि भोजन सकळां सकळांच्या पाठीं ।
करसी भोजन स्वसुतासह एक्या ताटीं ।
अनंत ब्रह्मांडांचे घट ज्याचे पोटीं ।
तो प्रभु ढेंकर देउनि अन्नांगुल चाटी ॥जय.॥३॥

श्रीलक्ष्मी-पार्वति-सावित्रीसहभर्त्या ।
अखंड ऋद्धि-सिद्धि नांदति गिरिवरि त्या ।
चौसष्टअठरा करती त्वदगुणआवर्त्यां ।
विष्णु-दासाच्याही ऐकिसि पदार्त्या ॥जय.॥४॥


                  (साभार आणि सौजन्य-संदर्भ -मराठी.वेबदुनिया.कॉम)
                ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.12.2021-शनिवार.