II श्री गुरु देव दत्त II-आरती क्रमांक-4

[Atul Kaviraje]

                                      II श्री गुरु देव दत्त II
                                     --------------------

मित्र/मैत्रिणींनो,

     आज दिनांक-१८.१२.२०२१-शनिवार आहे. आज माझ्या श्री दत्त गुरूंची जयंती आहे. मराठी कवितेच्या माझ्या सर्व  बंधू -भगिनी  कवी -कवयित्री याना श्री दत्त जयंतीच्या मनापासून शुभेच्छा. या शुभ पर्वावर वाचूया श्री दत्त गुरूंची आरती.


                                आरती क्रमांक-4
                               -----------------

            दत्त आरती - जयदेव जयदेव जय त्रिगुणात्मक देवा---

जयदेव जयदेव जय त्रिगुणात्मक देवा ।
श्रीगुरुदत्तात्रय, विधि-हरि-हर, महादेवा ॥धृ.॥

जयजय श्रीमृगराजाचल पर्वतवासा ।
जय जय श्रीमहायोगी जन-मानस-हंसा ।
जय जय श्रीदशशतदल पंकजनिवासा ।
जय जय श्रीनिरंजन भुवनविलासा ॥जय.॥१॥

दंड-कमंडलुमंडित रुद्राक्षमाळा ।
जटा-मुकुटधृतकुंडल पीतांबर पिवळा ।
कंथा त्रिशुळ, डमरू, भुजंगहार गळां ।
मुद्रा भस्म विलेपन त्रिपुंड्र गंधटिळा ॥जय.॥२॥

भ्रमोनि दिग्मंडळ भूस्थळ अंतराळीं ।
येतसे अवधुत मूर्ती सायंकाळीं ।
होतसे जयजयकार गजर गदारोळी ।
नाचे भूतगणांसह शिव चंद्रमौळी ॥जय.॥३॥

श्रीषड्रगुणसंपन्न श्रीषड्रभुजमूर्तीं ।
भूवैकुंठ विराजे सिंहाद्रीवरती ।
नांदे भुक्ती, मुक्ती, धर्म, दया, शांती ।
विष्णुदास म्हणे श्रीगुरुपदिं विश्रांती ॥जय.॥४॥


                 (साभार आणि सौजन्य-संदर्भ -मराठी.वेबदुनिया.कॉम)
               ------------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.12.2021-शनिवार.