II श्री गुरु देव दत्त II-आरती क्रमांक-6

[Atul Kaviraje]

                                       II श्री गुरु देव दत्त II
                                      --------------------

मित्र/मैत्रिणींनो,

     आज दिनांक-१८.१२.२०२१-शनिवार आहे. आज माझ्या श्री दत्त गुरूंची जयंती आहे. मराठी कवितेच्या माझ्या सर्व  बंधू -भगिनी  कवी -कवयित्री याना श्री दत्त जयंतीच्या मनापासून शुभेच्छा. या शुभ पर्वावर वाचूया श्री दत्त गुरूंची आरती.


                                   आरती क्रमांक-6
                                  ----------------

                        दत्त आरती - पंचारति ओंवाळूं ॥---

पंचारति ओंवाळूं ॥
नित्य सहज्जानंदें भजनीं खेळूं ॥धृ.॥

देह हें ताट करूनी ॥
मन बुद्धि शुद्ध निरांजनी ॥
भक्तीचें घृत घालुनी ॥
ज्ञानज्योति अखंड दीप पाजळूं ॥१॥

जीवशिवमाया खोटी ।
चिद्विलासीं भासे सहज त्रिपुटी ॥
मिथ्या ही द्वैतरहाटी ॥
सद्‌गुरु निज बोधें द्वैत हें जाळूं ॥२॥

नाहीं मुळीं अहंममता ।
बंधमोक्षाची ही कल्पित वार्ता ।
खूण ही बाणली दत्ता ॥
निजरंगीं रंगुगीं रंगुनी स्वरूपी मिळूं ॥३॥

--(पंतमहाराज)
--------------

                  (साभार आणि सौजन्य-संदर्भ -मराठी.वेबदुनिया.कॉम)
                 -----------------------------------------------


-----संकलन
-----श्री.अतुल एस.परब(अतुल कवीराजे)
-----दिनांक-18.12.2021-शनिवार.