"शुभ नाताळ", "हैप्पी क्रिसमस-मेरी क्रिसमस"-नाताळ (क्रिसमस)चारोळ्या-(भाग-2)

[Atul Kaviraje]

                          "शुभ नाताळ", "हैप्पी क्रिसमस-मेरी क्रिसमस"
                         ------------------------------------------

मित्र/मैत्रिणींनो,

     आज दिनांक-२५.१२.२०२१-शनिवार आहे. प्रभू येशू यांचा जन्म दिवस. हा शुभ दिन,सण  नाताळ, किंवा ख्रिसमस या नावानेही साजरा केला जातो. मराठी कवितेतील माझ्या सर्व ख्रिस्ती बंधू-भगिनी कवी-कवयित्रीस नाताळाच्या,  माझ्या  हार्दिक शुभेच्छा. "मेरी ख्रिसमस - शुभ नाताळ", "हैप्पी क्रिसमस-मेरी क्रिसमस". ऐकुया , नाताळाच्या काही चारोळ्या.


                                नाताळ (क्रिसमस)चारोळ्या
                                        (भाग-2)
                              --------------------------


(6)
उध्दारिले  प्रेषिताने,  दिले  आशिष,  लाभला  सहवास  पवित्र
संदेश  प्रेमाचा  निष्ठेचा  दिला,  पतितांचा  होऊन  मित्र
बंधुत्त्व , एकता  , समतेची  जागत  ठेवली  ज्योत , जनामनांत  एकमात्र ,
पवित्र  सण  आला  नाताळाचा ,शिकवण  येशूची  चराचरात  पसरवीत  सर्वत्र .

(7)
लाल  रंगाचा  वेष  करून  परिधान  आला  सांताक्लोज 
शुभ्र  मिश्या , दाढीधारी , डोक्यावर  गोंडस  लाल -टोपीचा  साज
गम -बूट  पायांत,  पाठीवर  खेळण्यांचा  बस्ता , उचलून  घरपोच ,
वाटीत  मुलांना खेळणी,  स्वप्नमय  दुनियेतून , आला  आला  आज .

(
प्रभूचा  संदेश  दिव्य , आला  घेऊन  पृथ्वीवर  देवदूत
एकत्रित  करुनि  प्रेम -रज्जूना  अतूट , अखंड  बांधीत  सूत
शत्रूवरही  करुनि  प्रेम,  होते  त्याचे  मित्रत्त्वाचे  सुकृत ,
वंदन  त्या  प्रेषितास  या  नाताळIचे  दिनी,  जागवून  प्रेम -ज्योत .

(9)
फक्त  हस्त -स्पर्शाने  व्हावा  उद्धार  असे  होते  तेज
अंगी  होते  येशूच्या  अशा  अनेक  चमत्कारांचे  बीज
दिन -दुबळ्यांवर  केले  प्रेम  येशूने,  नाही  स्वार्थ,  निर्व्याज्य ,
होऊन  गेला  एक  तोच,  नाही  कुणी  दुजा  आहे  आज .

(10)
दिव्य -संदेश  प्रभूचा  येशूने  दिला  साऱ्यांना , अंतरातून
देवदूत  आला  सामान्यजनांतही,  सर्वसाधारण  मनुष्य  होऊन
अजूनही  आहे  अमुच्यात  अमर , पवित्र  क्रुसाच्या  रूपानं ,
नमन  असो  या  प्रेषितास  त्याच्या  पवित्र  स्मृतीस  जागवून .


-----श्री.अतुल एस.परब(अतुल कवीराजे)
-----दिनांक-25.12.2021-शनिवार.