प्रवास चारोळ्या-"ST बस बंद पडल्यात,शिवनेरी-शिवशाही प्रवाश्यांच्या सेवेस आल्यात"

[Atul Kaviraje]

     विषय : शिवनेरी,शिवशाही  बस  आल्यात  रस्त्यावर  प्रवाश्यांच्या  सेवेसाठी.
                वास्तव -ST बंद , प्रवासी  प्रवास  सेवा  तोडगा  चारोळ्या
       "ST बस बंद पडल्यात,शिवनेरी-शिवशाही प्रवाश्यांच्या सेवेस आल्यात"
   ------------------------------------------------------------------


(1)
ST "बस"  बंद  पडलीय , प्रवाश्यांची  गैरसोय  होतेय
रोजचा  प्रवास , महत्त्वाचे  काम  त्यांचे  आज  अडून  बसतेय
आता  देवाकच  काळजी  आमची , तोच  बघून  घेईल  आम्हाला ,
आज  खरोखर  "शिवशाही ,शिवनेरीच्या"  रूपाने  देवच  जणू  मदतीस  धावला !

(2)
पुन्हा  एकदा  शिवबाच्या  नावाचा  प्रत्यय  आलाय  जनतेस
त्याचे  राज्य  पुन्हा  यावे  म्हणून ,ती  घालीत  होती  साकडे
आज  त्याचंच  नाव  प्रवाश्याना  या  जाचातून , त्रासातून  तारतेय ,
"शिवशाही , शिवनेरी"  रूपात  प्रत्यक्ष  शिवबाचेच  दर्शन  तिला  घडतेय .

(3)
कोणीतरी  आहे  आपला  तारणहार , आपल्या  मदतीस  येईल  धावून
खात्री  होती , विश्वास  होता , त्यांना  या  कठीण  काळातही
त्यांचा  अंदाज  खरा  ठरलाय , शिव -भक्तांनी  त्यांची  काळजी  वाहिलीय ,
"शिवनेरी ,शिवशाही  बस"  त्यांच्या  सेवेस  रुजू  झालीय , धावून  आलीय .

(4)
ST लाल -परीची  जागा  आज  "शिवनेरी ,शिवशाही  बसने"  घेतलीय
थकल्या  पावलांना ,शिणल्या  मनाला , आपलासा  स्पर्श  दिलाय
सरकारच्या  या  अभिनव  उपक्रमास , दाद  द्यावी  तितकी  थोडीच ,
"शिवशाही , शिवनेरी  बस"  आज  लाल -परीला  उत्तम  पर्याय  ठरलीय .

(5)
ST "बसचे"  आंदोलन  किती  काळ  टिकेल  माहित  नाही
लाल -परी  केव्हा  उडेल  पंख  लावून , ठाऊक  नाही
आज  मराठी  माणूसच  आलाय  मराठी  माणसाच्या  कामी ,
"शिवशाही ,शिवनेरी  बसच्या"  रूपातच , तो  अस्तित्त्वाची  देतोय  हमी .


-----श्री.अतुल एस.परब(अतुल कवीराजे)
-----दिनांक-27.12.2021-सोमवार.