आंदोलनचारोळ्या-"आज दहावा दिवस ST आंदोलनाचा,यावे सर्वानी विधी पाहण्या दशक्रियेचा"

[Atul Kaviraje]

 विषय :बीड  येथे  ST कर्मचाऱ्यांनी  सरकारचा  निषेध  दशक्रिया  घालून  केला (संपाचा  दहावा  दिवस )
              वास्तव -ST कर्मचारी  सरकार  निषेध  आंदोलन  चारोळ्या
     "आज दहावा दिवस ST आंदोलनाचा,यावे सर्वानी विधी पाहण्या दशक्रियेचा"
--------------------------------------------------------------------------


(1)
बीडला  ST कर्मचाऱ्यांनी  नुकताच  "दशक्रिया  विधी"  उरकलाय
आंदोलनाचा  "दहावा  दिवस"  मृतप्राय  घोषीत  केलाय
सरकार  जिवंत  आहे  कि  मृत , याची  सत्यता  पारखण्या ,
त्यांनी  हा  सारा  घाट ,ही  वाट ,हा  रस्ता  का  निवडलाय  ?

(2)
हे  काही  टोकाचे  पाऊल  नव्हे , ST कर्मचाऱ्यांनो  !
थोडा  वेळ  जाऊ  द्यावा , काहीतरी  चांगले  घडण्यासाठी
लगेच  "दशक्रिया  विधी"  उरकून  टाकलात  तुम्ही  तातडीने ,
आंदोलनाचे  हे  अनोखे  वळण  घेताय  तुम्ही  कशासाठी  ?

(3)
यापूर्वीही  बरीच  झालीत  आंदोलने , असं  घडत  नव्हतं  कधीही
"दशक्रिया"  घालून , मर्तिकाला  जमवलीत  तुम्ही  खोटी  माणसेही
इतके  का  आहे  हे  सोपे ,सहज , कुणालाही  मृत  ठरवायचे  ?,
आणि  त्यांच्या  नावाने आरडा -ओरडा  करीत  रडत  बसायचे  ?

(4)
आपल्याच  हस्ते  पाप  का  ओढावयाचे , कुणाला  कशाला  मारायचे  ?
आशेचा  किरण  आहे  अजूनही , निराश  का  व्हायचे  ?
दुसऱ्या  मृत  घोषीत  करून  तुम्ही , त्याच  पठडीत  बसलाय  !,
अविचाराचेच  हे  कृत्य , हा  काही  नाहीय  अंतिम  उपाय  !

(5)
तोडगा  नाही  निघत  म्हणून , "दशक्रिया"  उरकून  घ्यायची
हीच  का   आहे  फलद्रूपता , तुमच्या  जीवनाची  ?
लढा , भांडा , बंड  करा , आपले  हक्क  हिरावून  घ्या  !,
समाजात  आपले  स्थान  पुन्हा  एकदा  पक्के , कायम  करा  !


-----श्री.अतुल एस.परब(अतुल कवीराजे)
-----दिनांक-10.01.2022-सोमवार.