प्रेम नक्की काय असतं

[yallappa.kokane]

प्रेम नक्की काय असतं?


रोजच भेटत असते "ती"
आजची भेट खास आहे
स्वप्नाप्रमाणेच घडले सारे
सत्य की सारे भास आहे!

ती असता समोर तेव्हाच
मनाचा बांध फूटून जातो
काळजात साठवून सारंच
प्रेमात तिच्या वाहून जातो

रोजच्या सहवासातील जादू
घट्ट बांधून जाते नाजूक नाते
अबोला असला दोघात जरी
डोळ्यांची भाषा सांगून जाते

हे प्रेम नक्की काय असतं?
तुलाच पाहून समजले सारे
दोघांच्या भेटीत हरवलो मी
तुझ्या नजरेत जादूई इशारे


यल्लप्पा सटवाजी कोकणे