II मकर -संक्रांत II-चारोळ्या-(भाग -१)

[Atul Kaviraje]

                                    II मकर -संक्रांत II
                                   --------------------

मित्र/मैत्रिणींनो,

     आज दिनांक-१४.०१.२०२२-शुक्रवार आहे. मकर संक्रांतीचा खास पर्व-सण घेऊन हा शुक्रवार आला आहे. बाहेर थंडी आहे. तीळ-गुळाचे लाडू खाऊन शरीरात उब-स्नेह येत आहे. मराठी कवितेच्या माझ्या सर्व बंधू-भगिनी, कवी-कवयित्रींना मकर संक्रांतीच्या हार्दीक शुभेच्छा. " तीळ-गूळ घ्या, गोड-गोड बोला". या सणI-निमित्त वाचूया काही चारोळ्या.
                       
                                  मकर -संक्रांत -चारोळ्या
                                         (भाग -१) 
                                ------------------------

(1)
नाते  मनामनाचे  आज  जुळू  दे
प्रीत  रुजू  दे  अन  वाढू  दे
स्नेह -सौख्य  व्हावे  वृद्धिंगत ,
घे  तू  सखे  आज  "संक्रांतीचे"  व्रत .

(2)
फुलुनी  आला  काटा  अंगावर
शहारल्या  देही , लाट  थंडीची
अशात  वाढून  तिळा -तिळाने  दिवस ,
"संक्रांत"  देते  उब  मायेची .

(3)
साखर -फुटाण्यांचा  मधुर  ग्रास
प्रेमे  मुखी  मम्  घातला
लाडू  तीळ -गुळाचा  सुरस ,
"संक्रांतीची"  लज्जत  वाढवून  गेला .

(4)
"संक्रांतीच्या"  आज  नवं -दिनी
मागुया सारे  दीर्घायुष्याचे  दान
घर  भरू  दे  धन -धान्यांनी ,
यशाची  वाढू  दे  अक्षत  कमान .

(5)
हे  "मकर  संक्रांती" ,
     रिक्त  मूठ  माझी
     तू  तिळाने  भरून  जा
     आयुष्यभर  पुरेल  एवढे ,
     सौख्य  तू  देऊन  जा .

(6)
"संक्रांतीचा"  गोडवा  आणीत  लज्जत
तिळगुळाच्या  रूपे  जिभेवर  घोळावा
स्निग्धता , स्नेहाचे  बंधन  अतूट ,
आठवणींत  कायम  स्वरूपे  राहावा .


-----संकलन
-----श्री.अतुल एस.परब(अतुल कवीराजे)
-----दिनांक-14.01.2022-शुक्रवार.