लशीकरण-चारोळ्या-"जोवर होतराहील कोरोना सर्वाबाधित,तोवरलसवंत आशीर्वाद राहीलअबाधित"

[Atul Kaviraje]

विषय : पूर्वी  थोरा-मोठांकडून  मिळणारे  आशीर्वाद -औक्षवंत ,यशवंत , कीर्तिवंत ,गुणवंत , इत्यादी . आता  कोरोनाच्या  पार्श्वभूमीवरला  एक  नवा  आशीर्वाद ,तो  म्हणजे  व्हा  लसवंत  !
                         वास्तव -कोरोना  लशीकरण-चारोळ्या
     "जोवर होत राहील कोरोना सर्वा बाधित,तोवर लसवंत आशीर्वाद राहील अबाधित"
--------------------------------------------------------------------------


(1)
आज  सारे  "आशीर्वाद"  बदललेत , आता  ते  दिवस  नाही  राहिलेत
औक्षवंत ,यशवंत ,कीर्तिवंत ,गुणवंत  फक्त  शब्द -कोशांपुरतेच  उरलेत
"कोरोनाचे"  होतेय  अतिक्रमण , पसरतोय  वेगाने  तो  जगभर ,
"लशीकरण"  होऊन , "लस"  घेऊन , आज  होताहेत  सारे  "लसवंत" , भराभर .

(2)
गावावरून  आजी -आजोबा  आले  होते ,नातवांची  चौकशी  करीत  होते
वयाचा  मान  राखण्या , आम्ही  सारे  त्यांना  नमस्कार  करीत   होतो
नेहमीचा  आशीर्वाद  न  देता  ते  उच्चारित  होते  कोरा -करकरीत  नवा ,
अन  आम्हा  दोन्ही  "लस" -डोस  टोचून  ते  म्हणत  होते , मुलांनो  "लसवंत"  व्हा  !

(3)
मूर्तिमंत  भीती -रूपे  "कोरोना"  ठाकला  होता  उभा  समोर
कुठूनही  येईल  अन  ग्रासेल  केव्हाही , नजरेत  होते  भय  बलवंत
पण  या  वर-दात्या , "लस"-देवीचा  वरदहस्त  डोक्यावर  पडला  वेळीच ,
आज  ती  आमच्यावर  होती  कृपावंत , करीत  होती  आम्हा  "लसवंत" .

(4)
एक  "लस"  पोवाडा ---
     "कोरोनाने"  केलाय  कहर , पसरवलेय  आपले  नाव  त्याने  दिगंत
     चळाचळा  कापती  भिऊनी , पाहुनी  त्यासी , काळच  हा  जणू  कृतांत
     पारिपत्य  केले , दमन  केले , या  राक्षसाचे , ही  "लस"  आहे  हो  संत-महंत ,
     वाढविले आमुचे आयुर्मान, दिले स्वास्थ्य, करुनी आम्हा "लसवंत", हो जी जी जी  !

(5)
"कोरोनाने"  बदललेय  आपले  स्वरूप , "लशीनेही"  बदललेय आपले  रूप
कर्दनकाळ  "कोरोनाच्या"  पारिपत्या , "लस"  धावून  आलीय  मदतीस  अरुप
लढा  हा  सुरूच  राहील  दोघांत , जोवर  नष्ट  होणार  नाही  "कोरोना" -राक्षस -नृप ,
या  तुल्यबळ  "लशींनी  लसवंत"  करीत  आम्हा , दिलाय  जगण्याचा  नवा  हुरूप .

(6)
आज  "कोरोना"  हीन -दीन  झाला  होता , फक्त  मामुली  लक्षणांत  उरला  होता
लढा  देऊन  इतकी  वर्षे , "लशींचा"  साठा  अजुनी  शिल्लक  होता
तिचा  आशीर्वाद  अजुनी  आमच्या  पाठीशी , आमचे  रक्षण  करीत  होता ,
या "लस"-देवीने आम्हा "लसवंत" करीत,दीर्घायुष्याचा वरद-हस्त मस्तकी  ठेवला  होता .


-----श्री.अतुल एस.परब(अतुल कवीराजे)
-----दिनांक-25.01.2022-मंगळवार.