II प्रजासत्ताक दिन II-चारोळी क्रमांक-१

[Atul Kaviraje]

                                        II प्रजासत्ताक दिन II
                                           चारोळी क्रमांक-१
                                      ----------------------

मित्र/मैत्रिणींनो,

     आज बुधवार, दिनांक-२६ जानेवारी, २०२२ आहे. "आपला भारत १५ ऑगष्ट १९४७ रोजी स्वतंत्र झाला. पण त्याची लोकशाही राज्य घटना २६ जानेवारी १९५० रोजी अमलात आली. म्हणून हा 'प्रजासत्ताक दिन' म्हणून मानला जातो. आपला  भारत हे एक मोठे लोकशाही राज्य आहे म्हणजे हे लोकांचे, लोकांनी,लोकांसाठी चालविलेले राज्य आहे." मराठी कवितेच्या माझ्या सर्व बंधू-भगिनी, कवी-कवयित्रींनी आजच्या या ७५ व्या प्रजासत्ताक दिवसाच्या हार्दिक शुभेच्छा,या सुमुहूर्तावर वाचूया काही देशभक्तिपर चारोळ्या.


                                       २६ -जानेवारी
                                प्रजासत्ताक  दिन -चारोळ्या
                                         (भाग -१) 
                             ----------------------------


(1)
आमचे  "राज्य"  आम्हा  परत  मिळावे
पुनच्छ  क्रांतीचे  वारे  वहावे
मूठभर  सत्ताधीशांचे  तीन -तेरा  वाजवावे ,
"स्वराज्याचे" , विजयाचे  नवे  तोरण  बांधावे .

(2)
तिरंग्याने  दिलयं  "स्वातंत्र्य"  आम्हा
शान  तयाची  वाढवू  चला
स्वाभिमानाने  मान  ताठ  उंचावून ,
झेंड्याचा  मान  राखू  चला .

(3)
विजय -पताका  फडकवू ,"स्वातंत्र्याचे'  गीत  गाऊ
ऋणी  कायम  भारतमातेचे  आम्ही  राहू
गुलामगिरीतून  पारतंत्र्याच्या , "स्वातंत्र्याची"  पहाट  दाखविणाऱ्या ,
हिंदवी  "स्वराज्याचे"  सर्वथा: पाईक  होऊ .

(4)
नमन  तुला , प्राचीवरील  "स्वातंत्र्य" -सूर्या
"२६ - जानेवारीच्या"  प्रभातीस  तळपत  आलास
गुलामगिरीची  काळ -रात्र  भेदून , तिरीप  किरणांची ,
लखलखत्या  तेजाने  दिलासा  आम्हा  दिलास .

(5)
शुभ्र  फुले  उधळीत  मार्ग  सुगंधात  न्हाला
हाती  तिरंगा  घेऊन  बालचमूंचा  जथा  आला
उद्याचे  वीर , उद्याच्या  आशांचे  मान -बिंदू ,
धुरा  खांदी  सांभाळीत , एक -सुरात  जयजयकार  निनादला .


-----श्री.अतुल एस.परब(अतुल कवीराजे)
-----दिनांक-26.01.2022-बुधवार.