"STबस आगार कर्मचारी भक्तांनी भरला होता,विठ्ठल नामाचा गजर टाळ-मृदूंगात सुरु होता"

[Atul Kaviraje]

  विषय : हिंगोली  आणि  कुडाळ  येथे  ST कर्मचाऱ्यांचे  बस  आगारात  भजन  आंदोलन
            ST कर्मचारी  सरकार  विरुद्ध  निषेध  आंदोलन  चारोळ्या
"ST बस आगार कर्मचारी भक्तांनी भरला होता,विठ्ठल नामाचा गजर टाळ-मृदूंगात सुरु  होता"
--------------------------------------------------------------------------


(1)
पेटीवरले  ST बस  वाहक -वादक  सूर  लावीत  होते
ST चालक -बुवा  खड्या  आवाजात  "विठ्ठल"  नामाचा  घोष  करीत  होते
इतर  ST कर्मचारी  त्यांना  गजर - कोरस  देत  होते ,
ST बस  आगार  इतर  श्रोतृवृंदानी  भरून  गेला  होता .

(2)
काय  चाललेय  हे , काय  झालीय  परिस्थिती  बस  डेपोची  ?
काल  बस  एका  रांगेत  उभ्या  राहून  विश्रांती  घेत  होत्या
तीच  जागा  आज  व्यापलीय , निनादलीय  "पांडुरंगाच्या"  कीर्तनाने ,
आणि  त्याच  लालपऱ्या  त्याच  कीर्तनात  तन्मय ,तल्लीन  होत  होत्या .

(3)
अथकपणे  प्रवाश्याना  सेवा  देणारी  ती  लालपरी
करीत  होती  तेव्हा  पंढरपूरच्या  "विठ्ठलाची"  वारी
आज  प्रत्यक्ष  "पांडुरंग"  वाहक -चालकांच्या  रूपे  तिच्या  दारी आलाय ,
आणि  उभे  राहाण्यास  घटकाभर , तिच्याकडे  लाल -वीट  मागू  लागलाय .

(4)
कमIल  बुवा , या  बस  वाहक -चालकांची  !
बस  चालविता  चालविता  हरीचे  नावही  मुखी  घेऊ  लागलेत
ट्रेनमधल्या  कीर्तन -मंडळांशी  कीर्तन -स्पर्धा  करून ,
ST बसचेही  नाव  त्यांनी  या  जुगल -बंदीत  सर्वत्र  पसरवलेय .

(5)
या  कार्यक्रमास  आतI  खूप  नाव , प्रसिद्धी  मिळू  लागलीय
आता  हे  भजन  आंदोलन  सर्वांनाच  आवडू  लागलंय
मागण्या  मान्य  होवोत  वा ना  होवोत , नंतर  पाहून  घेऊ ,
"विठ्ठलाचे"  गोड  नाम  तर  प्रथम  आपल्या  मुखाने  घेऊ .

(6)
हळूहळू  ST बस  आगाराचे , कीर्तन -आगारात  रूपांतर  झालेय
परिवहन  मंत्री , इतर  मंत्रीही  भजनास  येऊ  लागलेत
कुणीकडे  भरकटत  चाललीय  पहा , आमची  ही  बस -लालपरी ,
आंदोलन राहिले बाजूला, बस आगार आज प्रति-पंढरपूर म्हणून  नावा -रुपाला  आलेय .


-----संकलन
-----श्री.अतुल एस.परब(अतुल कवीराजे)
-----दिनांक-28.01.2022-शुक्रवार.